ഇനി ഫെഡറൽ ബാങ്കിന്റെ ക്രെഡിറ്റ് കാർഡും

ഫെഡറൽ ബാങ്കിന്റെ ക്രെഡിറ്റ് കാർഡ് ഉടൻ പുറത്തിറക്കുമെന്ന് റിപ്പോർട്ട്. നിലവിലുള്ള ഉപഭോക്താക്കൾക്കായിരിക്കും ആദ്യം ക്രെഡിറ്റ് കാർഡ് ലഭ്യമാക്കുക. ഇപ്പോൾ തന്നെ ബാങ്കിന്റെ ഡെബിറ്റ് കാർഡ് ഉപയോഗിക്കുന്നവരുടെ എണ്ണം 80 ലക്ഷത്തിലേറെയാണ്. ഡെബിറ്റ് കാർഡ് ഉപയോഗിച്ച് പേമെന്റുകൾ നടത്തുന്നവരുടെ എണ്ണത്തിൽ മുമ്പിൽ നിൽക്കുന്ന അഞ്ചാമത്തെ വലിയ സ്വകാര്യ ബാങ്കാണ് ഫെഡറൽ ബാങ്ക്. ഇക്കാരണങ്ങൾ ചൂണ്ടിക്കാട്ടി ക്രെഡിറ്റ് കാർഡിനും വൻ സ്വീകാര്യത ലഭിക്കുമെന്നാണ് ബാങ്ക് വൃത്തങ്ങൾ കണക്കാക്കുന്നത്.

തുടക്കത്തിൽ ഫി സെർവുമായി സഹകരിച്ചു കൊണ്ടാകും ക്രെഡിറ്റ് കാർഡ് അവതരിപ്പിക്കുക. 100 രാജ്യങ്ങളിലായി 1000 ലധികം ധനസ്ഥാപനങ്ങൾക്ക് വ്യത്യസ്തമായ പേമെന്റ് സേവനങ്ങളും ഫിൻ ടെക്കും നൽകുന്ന അമേരിക്ക ആസ്ഥാനമായുള്ള ഫോർച്യൂൺ 500 കമ്പനിയാണ് ഫി സെർവ്.

English Summary : Federal Bank is Introducing Credit Card