ആദ്യമായി വായ്പ എടുക്കുന്നവർക്കും ഇനി 'സിബിൽ സ്കോർ'

ബാങ്കില്‍ നിന്നോ ധനകാര്യസ്ഥാപനങ്ങളില്‍ നിന്നോ ഇതുവരെ വായ്പ എടുക്കാത്ത പുതിയ ഉപഭോക്താക്കളുടെ വായ്പാ യോഗ്യത കണക്കാക്കുന്നതിന് ട്രാന്‍സ്‌യൂണിയന്‍ സിബില്‍ പുതിയ ക്രെഡിറ്റ്‌വിഷന്‍ എന്‍ടിസി (ന്യൂ-ടു-ക്രെഡിറ്റ്) സ്‌കോര്‍ സംവിധാനം അവതരിപ്പിച്ചു. ആദ്യമായി വായ്പ എടുക്കുന്നവർക്ക് ക്രെഡിറ്റ് ചരിത്രമൊന്നും ഇല്ലാത്തതിനാല്‍ സ്‌കോര്‍ കണ്ടെത്താന്‍ സാധിക്കില്ല. ഇവർക്കായി പ്രത്യേക മെഷീന്‍ ലേണിങ് സംവിധാനത്തിലുള്ള അല്‍ഗോരിതം ഉപയോഗിച്ച് സ്കോർ കണക്കാക്കുന്നു.101 മുതല്‍ 200വരെയാണ് സ്‌കോറുകള്‍. ഉയര്‍ന്ന സ്‌കോര്‍ ക്രെഡിറ്റ് റിസ്‌ക്ക് കുറവും കുറഞ്ഞ സ്‌കോര്‍ ഡിഫോള്‍ട്ട് സാധ്യതയും സൂചിപ്പിക്കുന്നു. ഈ സ്‌കോറിങ് മോഡലുകള്‍ ക്രെഡിറ്റ് സ്ഥാപനങ്ങള്‍ക്കും ബാങ്കുകള്‍ക്കും മാത്രമാണ് ലഭ്യമാക്കുക. വായ്പാ അവസരങ്ങള്‍ തേടുന്ന നവ വായ്പ്പക്കാരുടെ എണ്ണം  വര്‍ദ്ധിച്ചുവരുന്ന സാഹചര്യത്തിലാണ് സിബിൽ ഈ സൗകര്യമൊരുക്കുന്നത്.

English Summary : New Credit Score for New Loan Takers