സംസ്ഥാനത്ത് സഹകരണ മേഖലയിൽ നിന്നും ഒരു സ്മോൾ ഫിനാൻസ് ബാങ്ക്?
Mail This Article
കേരളത്തിലെ സഹകരണ മേഖലയിൽ നിന്നും ഒരു സ്മോൾ ഫിനാൻസ് ബാങ്ക് ഉദയം ചെയ്യുന്നു. കോഴിക്കോട് ആസ്ഥാനമായുള്ള കാലിക്കറ്റ് സിറ്റി സർവീസ് കോ ഓപ്പറേറ്റീവ് ബാങ്ക് ലിമിറ്റഡ് സ്മോൾ ഫിനാൻസ് ബാങ്കിന്റെ ലൈസൻസിനുള്ള അപേക്ഷ റിസർവ് ബാങ്കിൽ നൽകി കഴിഞ്ഞു. ഇവരെ കൂടാതെ വി സോഫ്റ്റ് ടെക്നോളജീസ്, ദ്വാരക്ഷത്രീയ ഗ്രാമീൺ ഫിനാൻഷ്യൽ സർവീസസ് ലിമിറ്റഡ്, അഖിൽ കുമാർ ഗുപ്ത എന്നിവരും സ്മോൾ ഫിനാൻസ് ബാങ്കിന് അപേക്ഷിച്ചിട്ടുണ്ട്.
ബാങ്കിങ്, ഫിനാൻസ് രംഗങ്ങളിൽ ചുരുങ്ങിയത് 10 വർഷത്തെ പരിചയമുള്ള വ്യക്തികൾക്കും സ്ഥാപനങ്ങൾക്കും സ്മോൾ ഫിനാൻസ് ബാങ്ക് തുടങ്ങാൻ അപേക്ഷിക്കാവുന്നതാണ്. ഇസാഫ് ആണ് കേരളത്തിൽ നിന്നുള്ള ആദ്യത്തെ സ്മോൾ ഫിനാൻസ് ബാങ്ക്.
2002 ൽ കോഴിക്കോട് ആസ്ഥാനമായി തുടങ്ങിയ സഹകരണ സ്ഥാപനമാണ് കാലിക്കറ്റ് സിറ്റി സർവീസ് കോ ഓപ്പറേറ്റീവ് ബാങ്ക്. ഇപ്പോൾ 26 ശാഖകളും എ, ബി, സി വിഭാഗങ്ങളിലായി 148998 അംഗങ്ങളും ഉണ്ട്.
English Summary : A Small Finance Bank may Start from Kerala