എസ്‌ബിഐ സേവനങ്ങള്‍ ഇന്ന്‌ തടസപ്പെടും

HIGHLIGHTS
  • മെയ്‌ 7 രാത്രി 10.15 മുതല്‍ മെയ്‌ 8 പുലര്‍ച്ചെ 1.45 വരെ ഡിജിറ്റില്‍ ബാങ്കിങ്‌ സേവനങ്ങളില്‍ തടസ്സം നേരിടും
INDIA-MODI/CORRUPTION
SHARE

സ്‌റ്റേറ്റ്‌ ബാങ്ക്‌ ഓഫ്‌ ഇന്ത്യയുടെ ഡിജിറ്റല്‍ ബാങ്കിങ്‌ സേവനങ്ങള്‍ ഇന്ന്‌ രാത്രി ഏതാനും മണിക്കൂറുകളില്‍ ലഭ്യമാകില്ല. ബാങ്കിങ്‌ പ്ലാറ്റ്‌ഫോമുകള്‍ അപ്ഗ്രേഡ്‌ ചെയ്യുന്നതിനാല്‍ മെയ്‌ 7 രാത്രി 10.15 മുതല്‍ മെയ്‌ 8 പുലര്‍ച്ചെ 1.45 വരെ ഡിജിറ്റില്‍ ബാങ്കിങ്‌ സേവനങ്ങളില്‍ തടസം നേരിടുമെന്ന്‌ എസ്‌ബിഐ അറിയിച്ചു. ഈ സമയത്ത്‌ ഇന്റര്‍നെറ്റ്‌ ബാങ്കിങ്‌, യോനോ, യോനോ ലൈറ്റ്‌, യുപിഐ സേവനങ്ങള്‍ ലഭ്യമാകില്ല എന്നും ബാങ്ക്‌ അറിയിച്ചു.

ഡിജിറ്റല്‍ പ്ലാറ്റ്‌ഫോമില്‍ അറ്റകുറ്റപണികള്‍ നടക്കുന്നതിനാല്‍ കഴിഞ്ഞ മാസവും എസ്‌ബിഐയുടെ ഇന്റര്‍നെറ്റ്‌ ബാങ്കിങ്‌ സേവനങ്ങള്‍ തടസപ്പെട്ടിരുന്നു. 2020 ഡിസംബര്‍ 31 വരെയുള്ള കണക്കുകളനുസരിച്ച്‌ എസ്‌ബിഐയുടെ ഇന്റര്‍നെറ്റ്‌ ബാങ്കിങ്‌ ഉപയോക്താക്കളുടെ എണ്ണം 85 ദശലക്ഷവും മൊബൈല്‍ ബാങ്കിങ്‌ ഉപയോക്താക്കളുടെ എണ്ണം 19 ദശലക്ഷവും ആണ്‌. ബാങ്കിന്‌ നിലവില്‍ 135 ദശലക്ഷത്തോളം യുപിഐ ഉപഭോക്താക്കളുണ്ട്‌. ബാങ്കിന്റെ ഡിജിറ്റല്‍ ലെന്‍ഡിങ്‌ പ്ലാറ്റ്‌ഫോമായ യോനോയ്‌ക്ക്‌ 35 ദശലക്ഷത്തോളം ഉപയോക്താക്കളാണ്‌ ഉള്ളത്‌.

English Summary: SBI Digital Banking Services will interrupt tonight

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN BANKING
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഹരിതയോഗ ജീവിതം പറഞ്ഞ് ഷാജി ശങ്കരത്തിൽ

MORE VIDEOS
FROM ONMANORAMA