സിന്‍ഡിക്കേറ്റ് ബാങ്ക് ഐ എഫ് എസ് കോഡ് മാറ്റണം

സിന്‍ഡിക്കേറ്റ് ബാങ്ക് ശാഖയുടെ ഐ എഫ് എസി സി (ഇന്ത്യന്‍ ഫിനാന്‍ഷ്യല്‍ സിസ്റ്റം കോഡ്) ജൂലൈയില്‍ അസാധുവാകും. ജൂലായ് ഒന്നു മുതല്‍ SYNB യില്‍ തുടങ്ങുന്ന എല്ലാ ഐ എഫ് എസി കോഡുകളും പ്രവര്‍ത്തന രഹിതമാകും. അതിനാല്‍ ജൂണ്‍ 30 ന് മുമ്പായി എല്ലാ സിന്‍ഡിക്കേറ്റ് ബാങ്ക് അക്കൗണ്ടുടമകളും അവരുടെ ശാഖയുടെ ഐ എഫ് എസ് കോഡ് പുതുക്കണമെന്നും ബാങ്ക് ആവശ്യപ്പെടുന്നു. പിന്നീടുള്ള പണമിടപാടുകള്‍ക്ക് പുതിയ ഐ എഫ് എസ് സി കോഡായിരിക്കും ബാധകം.

ജൂലായ് മുതല്‍ സിന്‍ഡിക്കേറ്റ് (ഇനി കനറാ) അക്കൗണ്ടിലേക്ക് പണമയക്കണമെങ്കില്‍ CNRB യില്‍ തുടങ്ങുന്ന ഐ എഫ് എസ് കോഡ് വേണ്ടി വരും. നെഫ്റ്റ്, ഐ എം പി എസ്, ആര്‍ ടി ജി എസ് എന്നിങ്ങനെയുള്ള ഓണ്‍ലൈന്‍ പണമിടപാടുകള്‍ക്ക് ഐ എഫ് എസ് സി നിര്‍ബന്ധമായതിനാല്‍ പണമയക്കുന്നവരെ പുതിയ കോഡ് അറിയിക്കുകയും വേണം.

2019 ലാണ് പത്ത് പൊതുമേഖലാ ബാങ്കുകളെ ലയിപ്പിച്ച് നാലാക്കിയിത്. ഇതിന്റെ ഭാഗമായിട്ടാണ് സിന്‍ഡിക്കേറ്റ് ബാങ്ക് കാനറാ ബാങ്കില്‍ ലയിച്ചത്. 2020 ഏപ്രില്‍ ഒന്നിന് ലയനം പ്രാബല്യത്തില്‍ വന്നു. ഇരു ബാങ്കുകളുുടെയും ശാഖകള്‍ പുനര്‍വിന്യസിക്കുന്നതിന്റെ ഭാഗമായിട്ടാണ് ഐ എഫ് എസ് സി യിലെ ഈ മാറ്റം

English Summary : Syndicate Bank IFSC will Change from July1