നിങ്ങളുടെ ക്രെഡിറ്റ് കാർഡുകളുടെ കുടിശിക തീർക്കണോ? അവസരമിതാ
Mail This Article
പല ക്രെഡിറ്റ് കാർഡ് ഉപയോഗിക്കുന്നവർക്ക് എല്ലാം ഒരു അക്കൗണ്ടിൽ ചേർത്ത് പണമടക്കുവാൻ അവസരം. ഐസിഐസിഐ ബാങ്കിങ് ആപ്പായ ഐ മൊബൈൽ പേ ഉപയോഗിച്ച് മറ്റു ബാങ്കുകളുടെയും ക്രെഡിറ്റ് കാർഡ് കുടിശ്ശികകൾ തീർക്കുവാനാകും. ബാങ്കിന്റെ ഇടപാടുകാർക്കാണ് ഈ അവസരം. പണമടയ്ക്കുവാൻ പല വെബ്സൈറ്റുകൾ സന്ദർശിക്കേണ്ട സമയവും ഇതിലൂടെ ലാഭിക്കാം. ഇതിനുപുറമെ ഉപഭോക്താക്കൾക്ക് ബില്ലുകൾ അടയ്ക്കേണ്ട തീയതികൾ ഓർമപ്പെടുത്തവാനും, പല കാർഡുകളുടെയും തുകയടച്ച തീയതികൾ കാണുവാനും, ഓരോ ഇടപാടുകൾ നിയന്ത്രിക്കുവാനും, അറിയിപ്പുകൾ ലഭിക്കുവാനും, ഈ സേവനം ഉപയോഗപ്പെടുത്താം. മറ്റു ബാങ്കുകളുടെ ക്രെഡിറ്റ് കാർഡുകൾ ഇതിൽ ചേർക്കുവാൻ താഴെ പറയുന്ന കാര്യങ്ങൾ ചെയ്യുക
∙ഐ മൊബൈൽ ആപ്പിൽ ലോഗിൻ ചെയ്ത്, 'കാർഡ്സ് ആൻഡ് ഫോറെക്സ്' എന്നത് എടുക്കുക.
∙മറ്റു ബാങ്കുകളുടെ ക്രെഡിറ്റ്കാർഡുകൾ എന്ന ലിങ്ക് എടുക്കുക.
∙കാർഡ് വിവരങ്ങൾ ശരിയായി കൊടുക്കുക
∙മൊബൈലിൽ വരുന്ന ഒ ടി പി ഉപയോഗിച്ച് ഇടപാട് പൂർത്തിയാക്കുക.
ഇപ്പോൾ 'മറ്റു ബാങ്കുകളുടെ ക്രെഡിറ്റ് കാർഡ്' എന്നതിൽ എല്ലാം ഒരുമിച്ചു കാണുവാനാകും.
English Summary: Use these Facilities to Settle Your Credit Card Bill