എസ് ബി ഐ നിരക്കുകൾ വർദ്ധിപ്പിച്ചു, വായ്പാ ചെലവേറും

സ്റ്റേറ്റ് ബാങ്ക് ഓഫ് ഇന്ത്യ വായ്പകൾക്കുള്ള പലിശ നിരക്കുകൾ 10 ബേസിസ് പോയിന്റ് വർദ്ധിപ്പിച്ചു. 7.55 ശതമാനമാണ്  പുതിയ അടിസ്ഥാന  നിരക്ക്. റിസർവ് ബാങ്ക് റീപോ നിരക്കും റിവേഴ്‌സ് റീപോ നിരക്കും മാറ്റമില്ലാതെ തുടരുമെന്ന് പ്രഖ്യാപിച്ച സാഹചര്യത്തിലാണ് എസ് ബി ഐ യുടെ ഈ തീരുമാനം. 

2 കോടിക്ക് മുകളിലുള്ള സ്ഥിര നിക്ഷേപങ്ങളുടെ പലിശയും ഇന്നലെ മുതൽ  ഉയർത്തിയിട്ടുണ്ട്. പുതിയ നിക്ഷേപകർക്കും, നിലവിലുള്ള നിക്ഷേപങ്ങൾ പുതുക്കുന്നവർക്കും ഇതിന്റെ ആനുകൂല്യം ലഭിക്കും. 2 കോടിക്ക് താഴെയുള്ള സ്ഥിര നിക്ഷേപങ്ങളുടെ പലിശ നിരക്കിൽ മാറ്റമില്ല. .നിരക്കുകൾ ഉയർത്തിയതോടെ പുതിയ വായ്പകൾക്ക് ഉപഭോക്താക്കൾ കൂടുതൽ തുക അടക്കേണ്ടിവരും.

English Summary : SBI Rates Hiked