എസ് ബി ഐ 7.1 രൂപ ലാഭവിഹിതം പ്രഖ്യാപിച്ചു

രാജ്യത്തെ  ഏറ്റവും വലിയ പൊതുമേഖലാ ബാങ്കായ എസ് ബി ഐയുടെ മാർച്ച് 31 ന് അവസാനിച്ച നാലാം പാദഫലം പുറത്തുവന്നു. അറ്റാദായം 41.2 ശതമാനം ഉയർന്നു 9113 കോടി രൂപയായി. ഓഹരിയൊന്നിന് 7.1 രൂപ ലാഭവിഹിതം പ്രഖ്യാപിച്ചിട്ടുണ്ട്. ലാഭവിഹിതം നൽകുന്ന തിയതി 2022  ജൂൺ 10 ആയി നിശ്ചയിച്ചു. മുൻവർഷം ഇതേ കാലയളവിൽ എസ് ബി ഐ 6451 കോടി ലാഭമുണ്ടാക്കിയിരുന്നു. ഈ പാദത്തിലെ എസ് ബി ഐയുടെ അറ്റാദായം  ഇതിൽക്കൂടുതലാകുമെന്ന് ഓഹരി വിപണി പ്രതീക്ഷിച്ചിരുന്നതിനാൽ അറ്റാദായം കൂടിയെങ്കിലും  ഓഹരികൾ 21 രൂപ നഷ്ടത്തിലാണ് ഇന്ന് വ്യാപാരം അവസാനിപ്പിച്ചത്. എന്നാൽ എസ് ബി ഐ യുടെ നിഷ്ക്രിയ ആസ്തി കുറഞ്ഞിട്ടുണ്ട്. വായ്പകളില്‍ വളർച്ച രേഖപ്പെടുത്തി.

English Summary : SBI Announced Dividend for its Share Holders