രണ്ടായിരം രൂപ നോട്ടുകളുടെ 76 ശതമാനവും തിരിച്ചെത്തിയെന്ന് ആർ ബി ഐ, ഇനിയെന്ത്?

2023 മെയ്19 വരെ പ്രചാരത്തിലുണ്ടായിരുന്ന 2000 രൂപ നോട്ടുകളിൽ 76 ശതമാനവും തിരിച്ചെത്തിയതായി റിസർവ് ബാങ്ക് ഓഫ് ഇന്ത്യ. 2,000 രൂപ നോട്ടുകളിൽ 87% ബാങ്കുകളിൽ നിക്ഷേപിച്ചപ്പോൾ 13% മാറ്റിയതായി റിസർവ് ബാങ്ക് പറഞ്ഞു

മെയ് 19 മുതൽ ജൂൺ 30 വരെ 2000 രൂപ നോട്ടുകളുടെ 2.72 ലക്ഷം രൂപ ബാങ്കുകൾക്ക് ലഭിച്ചിട്ടുണ്ടെന്നും ഇത് മൊത്തം പ്രചാരത്തിന്റെ 76% വരുന്നുണ്ടെന്നും ഇപ്പോൾ 0.84 ലക്ഷം രൂപ മൂല്യമുള്ള 2000 രൂപ നോട്ടുകൾ പ്രചാരത്തിലുണ്ടെന്നുമാണ് കണക്കുകൾ . 

ബാങ്കുകളിൽ നിന്ന് ലഭിച്ച കണക്കുകൾ പ്രകാരം, മെയ് 19 ന് പ്രഖ്യാപനത്തിന് ശേഷം 2023 ജൂൺ 30 വരെ പ്രചാരത്തിൽ നിന്ന് തിരികെ ലഭിച്ച 2000 രൂപ നോട്ടുകളുടെ ആകെ മൂല്യം ₹ 2.72 ലക്ഷം കോടിയാണ്. 

സെപ്റ്റംബർ 30 വരെയാണ് 2000 നോട്ടുകൾ മാറ്റി വാങ്ങാനുള്ള സമയം അനുവദിച്ചിരിക്കുന്നത്. അതിനുശേഷം ആർ ബി ഐ എന്ത് തീരുമാനം എടുക്കുമെന്ന കാര്യത്തിൽ ഇതുവരെ കൃത്യത വന്നിട്ടില്ല. ഇപ്പോൾ 76 ശതമാനം നോട്ടുകളാണ് തിരിച്ചെത്തിയിരിക്കുന്നത്  എങ്കിലും, സെപ്റ്റംബർ 30 ആകുമ്പോൾ വീണ്ടും കണക്കുകൾ പരിശോധിച്ച് റിസർവ് ബാങ്ക് ഉചിത നടപടികൾ കൈക്കൊള്ളും.

English Summary : Update on Withdrawal of 2000 Rupee Notes