ഇന്ത്യൻ വംശജനായ വിദേശപൗരനും ഇനി എന്‍പിഎസ്
Mail This Article
×
ഒസിഐ (ഓവര്‍സീസ് സിറ്റിസണ്‍ ഓഫ് ഇന്ത്യ) വിഭാഗത്തില്‍ ഉള്‍പ്പെടുന്നവര്‍ക്കും ഇനി മുതല്‍നാഷണല്‍ പെന്‍ഷന്‍ സ്‌കീമില്‍ (എന്‍പിഎസ്) നിക്ഷേപം നടത്താം. ഇത് സംബന്ധിച്ച് ധനമന്ത്രാലയത്തിന്റെ അറിയിപ്പ് വന്നു. വിദേശ പൗരത്വമുള്ള ഇവർക്ക് ഇന്ത്യയിൽ താമസിക്കുന്നതിനും ജോലി ചെയ്യുന്നതിനും അനുമതിയുണ്ട്. പെന്‍ഷന്‍ഫണ്ട് റെഗുലേറ്ററി ആന്‍ഡ് ഡെവലപ്‌മെന്റ് അതോറിറ്റി( പിഎഫ്ആര്‍ഡിഎ) എന്‍പിഎസില്‍ നിക്ഷേപം നടത്താന്‍ അനുവാദമുള്ളവരുടെ വിഭാഗത്തിലേക്ക് ഒസിഐയും ഉള്‍പ്പെടുത്തി. ഇവര്‍ക്ക് നാഷണല്‍ പെന്‍ഷന്‍ സ്‌കീമിന്റെ ടയര്‍ 1 അക്കൗണ്ടുകളില്‍ നിക്ഷേപം നടത്താന്‍ പിഎഫ്ആര്‍ഡിഎയുടെ അനുമതി ഉണ്ടായിരിക്കും. ഇതനുസരിച്ച് ഇനി മുതല്‍ ഇന്ത്യന്‍ പൗരന്‍മാര്‍ക്കും പ്രവാസികള്‍ക്കും ഒപ്പം ഒസിഐ വിഭാഗത്തില്‍ ഉള്‍പ്പെടുന്നവര്‍ക്കും എന്‍പിഎസില്‍ പ്രവേശിക്കാം.
വിവിധ മേഖലകളില്‍ നിന്നുള്ള അപേക്ഷകള്‍ പരിഗണിച്ചാണ് ഒസിഐ വിഭാഗക്കാര്‍ക്കും എന്‍പിഎസില്‍ ചേരാനുള്ള അനുവാദം നല്‍കാന്‍ അതോറിറ്റി തീരുമാനിച്ചത്. അതേസമയം എന്‍പിഎസിന്റെ ടയര്‍ 2 അക്കൗണ്ട് എന്‍ആര്‍ഐക്കും ഒസിഐക്കും ലഭ്യമാകില്ല.
വിവിധ മേഖലകളില്‍ നിന്നുള്ള അപേക്ഷകള്‍ പരിഗണിച്ചാണ് ഒസിഐ വിഭാഗക്കാര്‍ക്കും എന്‍പിഎസില്‍ ചേരാനുള്ള അനുവാദം നല്‍കാന്‍ അതോറിറ്റി തീരുമാനിച്ചത്. അതേസമയം എന്‍പിഎസിന്റെ ടയര്‍ 2 അക്കൗണ്ട് എന്‍ആര്‍ഐക്കും ഒസിഐക്കും ലഭ്യമാകില്ല.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
