പി എം ഇ ജി പി വായ്പ തട്ടിപ്പിനെതിരെ കരുതൽ വേണം

സ്വയം തൊഴിൽ ആരംഭിക്കുന്നതിനായുള്ള പ്രൈം മിനിസ്റ്റേഴ്സ് എംപ്ലോയ്മെന്റ് ജനറേഷൻ പ്രോഗ്രാമിന്റെ പേരിൽ നടക്കുന്ന തട്ടിപ്പിനെതിരെ ജാഗ്രത പാലിക്കണമെന്ന് കേന്ദ്ര സൂക്ഷ്മ ചെറുകിട ഇടത്തരം സംരംഭ മന്ത്രാലയം. പി എം ഇ ജി പി പദ്ധതിയുടെ കീഴിൽ വായ്പ  നൽകാമെന്ന് പറഞ്ഞ് ചില വ്യക്തികളും ഏജൻസികളും പൊതുജനങ്ങളെയും സംരംഭകരെയും സമീപിച്ച്, വായ്പ അനുവദിച്ചതായുള്ള വ്യാജ കത്ത് കൈമാറുകയും പകരം അവരിൽ നിന്ന് പണം ഈടാക്കുകയും ചെയ്യുന്നതായി മന്ത്രാലയത്തിന് പരാതി ലഭിച്ചിട്ടുണ്ട്. 

പി എം ഇ ജി പി പദ്ധതിയുടെ കീഴിൽ വായ്പ അപേക്ഷയും, തുക കൈമാറ്റവും എല്ലാം പൂർണമായും ഗവൺമെന്റിന്റെ ഖാദി ആൻഡ് വില്ലേജ് ഇൻഡസ്ട്രീസ് കമ്മീഷന്റെ https://www.kviconline.gov.in/pmeepeportal/pmegphome/index.jsp എന്ന ഓൺലൈൻ പോർട്ടൽ വഴിയാണ്. പദ്ധതിക്കായുള്ള നടപടിക്രമങ്ങൾ പൂർണ്ണമായും സൗജന്യവുമാണ്. പദ്ധതികളുടെ നടത്തിപ്പിനോ അനുവാദം നൽകുന്നതിനോ സഹായധനം അനുവദിക്കുന്നതിനോ സ്വകാര്യ വ്യക്തികളെയും ഏജൻസികളെയും ചുമതലപ്പെടുത്തിയിട്ടില്ല.

English Summary : Beware about PMEGP Fraud