ചെറുകിട കച്ചവടക്കാർക്ക് കോവിഡിൽ കൈത്താങ്ങായി ഭാരത് പേ

HIGHLIGHTS
  • വ്യാപാരികളുടെ അക്കൗണ്ടിൽ എത്തുന്ന പണത്തിനു ഭാരത് പേ പലിശയും നൽകും
online-buying-1
SHARE

കോവിഡ്  കാരണം നഷ്ടത്തിലായ കച്ചവടം ഉഷാറാക്കണോ? എങ്കിൽ ആരോടും കടം ചോദിക്കാതെ കടയുടെ റജിസ്ട്രേഷൻ  ഉപയോഗിച്ച്  ഒരു ലോണെടുത്താലോ? ചെറുകിട കച്ചവടക്കാർക്കാരെ സഹായിക്കുന്നതിനായി തുടങ്ങിയിരിക്കുന്ന,  സാമ്പത്തിക സേവനങ്ങൾ നൽകുന്ന ഒരു  പ്രൈവറ്റ് കമ്പനിയായ ഭാരത് പേ ഇക്കാര്യങ്ങളിൽ നിങ്ങളെ സഹായിക്കും. ഉപഭോക്താക്കൾ കച്ചവടക്കാർക്ക് പൈസ കൊടുക്കുമ്പോൾ ഉപയോഗിക്കുന്ന യുപിഐ പോലുള്ള പേയ്മെന്റ് ആപ്പുകളിൽനിന്നും പണം, നേരിട്ട് ചാർജുകളൊന്നും കൂടാതെ സൗജന്യമായി സ്വീകരിക്കുന്നതിന് ഭാരത് പേ വ്യാപാരികളെ സഹായിക്കുന്നു.(അല്ലെങ്കിൽ വ്യാപാരികൾ ഡിജിറ്റലായി പണം സ്വീകരിക്കുന്നതിന് ഫീസ്  കൊടുക്കേണ്ടതായുണ്ട്).  ഇങ്ങനെ വ്യാപാരികളുടെ അക്കൗണ്ടിൽ (ഭാരത് പേ ഇന്ററസ്റ്റ് അക്കൗണ്ട്) എത്തുന്ന പണത്തിനു ഭാരത് പേ  ഉയർന്ന  പലിശയും വാഗ്‌ദാനം ചെയ്യുന്നുണ്ട്. 

കച്ചവടക്കാർക്ക് വളരെ എളുപ്പത്തിൽ വായ്പ എടുക്കുന്നതിനുള്ള  സൗകര്യം ഭാരത് പേയിലുണ്ട്. വ്യക്തിബന്ധങ്ങളുപയോഗിച്ചു മൊത്തവ്യാപാരികളുടെ പക്കൽ നിന്നും സ്റ്റോക്ക് കടം പറഞ്ഞെടുക്കുന്ന പരമ്പരാഗതമായ  സംവിധാനങ്ങൾക്കു പകരം ഇത്തരം ആപ്പുകൾ ചെറുകിടക്കാർക്കു പണലഭ്യത ഉറപ്പുവരുത്തി അവരെ കൃത്യമായ ഫോർമൽ സംവിധാനത്തിലേക്കെത്തിക്കുമ്പോൾ ഗവൺമെന്റിനും കൂടുതൽ കച്ചവടക്കാരെ  നികുതി ഘടനക്കുള്ളിലേക്കു എത്തിക്കുവാനാകും. ഭാരത് സ്വൈപ്പ് എന്ന പേരിൽ സൗജന്യ സ്വൈപ്പിങ് മെഷീനും കച്ചവടക്കാർക്ക് കൊടുക്കുന്നുണ്ട്. അതിനു ട്രാൻസാക്ഷൻ ചാർജോ, മാസ വാടകയോ ഈടാക്കുന്നില്ല. 

English Summary: Bharta Pay is Helping Small Traders

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN BUSINESS FOR YOU
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

തമാശയിൽ തുടങ്ങിയത് അനുഗ്രഹമായി | Johny Antony | Candid Talks

MORE VIDEOS
FROM ONMANORAMA