നിക്ഷേപ സേവന സ്ഥാപനമായ ജിയോജിത് ഡിജിറ്റല്‍ സംരംഭകത്വം പ്രോത്സാഹിപ്പിക്കുന്നതിനായി സാങ്കേതികവിദ്യയുടെ സഹായത്തോടെ  പാര്‍ട്ണര്‍ പദ്ധതി ആരംഭിച്ചു. കോവിഡ് മഹാമാരിക്ക് ശേഷം രാജ്യത്തെവിടെയിരുന്നും ജോലി ചെയ്യാവുന്ന ഗിഗ് ഇക്കോണമിയില്‍, സമൂഹത്തിന്റെ നാനാ തുറകളിലുള്ളവര്‍ക്ക് https://partner.geojit.com എന്ന പാര്‍ട്ണര്‍ പോര്‍ട്ടലിലൂടെ ജിയോജിതുമായി കൈകോര്‍ത്ത് വരുമാനം സൃഷ്ടിക്കാനുള്ള അവസരമാണിത്. ആശയവിനിമയത്തിന് കഴിവുള്ള, വിദ്യാസമ്പന്നരായ ചെറുപ്പക്കാര്‍, വീട്ടമ്മമാര്‍, വിരമിച്ച ആളുകള്‍ എന്നിവര്‍ക്ക് പ്രാരംഭ ചിലവുകളൊന്നുമില്ലാതെ തന്നെ ഈ പരിപാടിയുടെ ഭാഗമാകാം. ഈ സെബി നിയന്ത്രിത പരിപാടിയില്‍ പങ്കാളികളാകാന്‍  താൽപ്പര്യമുള്ളവര്‍ക്ക് സൗജന്യ ഡിജിറ്റല്‍ പരിശീലനം നല്‍കും. നിക്ഷേപ സേവന രംഗത്ത് മുന്‍പരിചയമില്ലാത്തവര്‍ക്കും  പങ്കെടുക്കാവുന്നതാണ്. പങ്കാളികളാകുന്നവര്‍ക്ക് നിക്ഷേപകരെ കണ്ടെത്താനും അവരവരുടെ വരുമാനം ഏതു സമയത്തും പരിശോധിക്കാനും ഈ പോര്‍ട്ടല്‍ വഴി സാധിക്കും. ഐ പി ഒ കള്‍, മ്യൂച്വല്‍ഫണ്ട് പദ്ധതികള്‍, പി എം എസ്, എ ഐ എഫ്, സ്ഥിര നിക്ഷേപങ്ങള്‍, എന്‍ സി ഡികള്‍, ബോണ്ടുകള്‍, വായ്പകള്‍ തുടങ്ങിയ വൈവിധ്യമാര്‍ന്ന നിക്ഷേപങ്ങള്‍ പോര്‍ട്ടലിലൂടെ  ഇടപാടുകാരെ പരിചയപ്പെടുത്താം

English Summary : Geojit Launched Partner Progam