ഇന്ത്യയുടെ കയറ്റുമതി കുത്തനെ താഴേയ്ക്ക്

കഴിഞ്ഞ ദിവസം സർക്കാർ പുറത്തുവിട്ട കയറ്റുമതി, ഇറക്കുമതി കണക്ക് പ്രകാരം ജൂണിൽ ഇന്ത്യയുടെ ചരക്ക് വ്യാപാര കമ്മി 20.13 ബില്യൺ ഡോളറാണ്. ചരക്ക് കയറ്റുമതി 32.97 ബില്യൺ ഡോളറും ഇറക്കുമതി 53.10 ബില്യൺ ഡോളറുമായിരുന്നു. കഴിഞ്ഞ മാസം, ചരക്ക് കയറ്റുമതി 34.98 ബില്യൺ ഡോളറായിരുന്നു, അതേസമയം ഇറക്കുമതി 57.10 ബില്യൺ ഡോളറായിരുന്നു. ലോകത്തെ പ്രധാന സമ്പദ്‌വ്യവസ്ഥകളിലെ മാന്ദ്യം ഉൾപ്പെടെയുള്ള നിരവധി കാരണങ്ങളാൽ ഇന്ത്യയുടെ കയറ്റുമതി ദുർബലമായി തുടരുന്നുവെന്ന് വാണിജ്യ സെക്രട്ടറി സുനിൽ ബർത്ത്‌വാൾ പറഞ്ഞു. ജൂണിൽ സേവന കയറ്റുമതി 27.12 ബില്യൺ ഡോളറായിരുന്നു, ഇറക്കുമതി 15.88 ബില്യൺ ഡോളറായിരുന്നു. മേയിൽ സേവന കയറ്റുമതി 25.30 ബില്യൺ ഡോളറും ഇറക്കുമതി 13.53 ബില്യൺ ഡോളറുമാണ്.

English Summary : Indian Export is Shrinking