ബാങ്ക് നിക്ഷേപത്തില്‍ 10% വളര്‍ച്ച

മാർച്ചിൽ ഇതുവരെയുള്ള ബാങ്ക് നിക്ഷേപ വളര്‍ച്ച ഇരട്ടയക്കത്തിലെത്തി. കഴിഞ്ഞ രണ്ടാഴ്ച കാലയളവില്‍ രാജ്യത്തെ ബാങ്ക് നിക്ഷേപങ്ങള്‍ 10.03 ശതമാനം ഉയര്‍ന്ന് 122.26 ലക്ഷം കോടി രൂപയായി. ഇതേ കാലയളവിലെ ബാങ്കുകളുടെ വായ്പ വളര്‍ച്ച 14.46 ശതമാനമാണന്ന് ആര്‍ബിഐയുടെ കണക്കുകള്‍ പറയുന്നു. 95.53 ലക്ഷം കോടിയുടെ വായ്പയാണ് കഴിഞ്ഞ രണ്ടാഴ്ച കാലയളവില്‍ ഉണ്ടായത്. മുന്‍ വര്‍ഷം ഇതേകാലയളവില്‍ വായ്പ 85.46 ലക്ഷം കോടിയും നിക്ഷേപം 111.11 ലക്ഷം കോടിയുമായിരുന്നു. മാര്‍ച്ച് 1 വരെയുള്ള രണ്ടാഴ്ച കാലയളവില്‍ നിക്ഷേപങ്ങള്‍ 9.81 ശതമാനം ഉര്‍ന്ന് 122.30 ലക്ഷം കോടിയും വായ്പകള്‍ 14.55 ശതമാനം ഉയര്‍ന്ന് 95.29  ലക്ഷം കോടി രൂപയും ആയിരുന്നു.