പ്രിന്സിപ്പല് മ്യൂച്വല് ഫണ്ടിന്റെ പുതിയ സ്മോള്ക്യാപ് ഫണ്ട്
Mail This Article
പ്രിന്സിപ്പല് മ്യൂച്വല് ഫണ്ട് പുതിയ സ്മോള്ക്യാപ് ഫണ്ട് അവതരിപ്പിച്ചു. ചെറുകിട ഓഹരികളില് നിക്ഷേപം നടത്തുന്ന ഒരു ഓപ്പണ് എന്ഡഡ് സ്കീം ആണിത്. സ്കീമിന്റെ പുതിയ ഫണ്ട് ഓഫര് മെയ് 6 വരെ ലഭിക്കും. വിപണിയില് കുത്തനെ ഉണ്ടാകുന്ന ഇടിവിനെ പ്രതിരോധിക്കുകയാണ് പ്ലാനിന്റെ ലക്ഷ്യം.ഫണ്ടിന് കീഴില് സ്മാര്ട് ട്രിഗര് എനേബിള്ഡ് പ്ലാനും ഓട്ടോ ട്രിഗര് സൗകര്യവും ലഭ്യമാക്കും. ഫണ്ടിന്റെ ഈ സവിശേഷ സൗകര്യം ന്യൂ ഫണ്ട് ഓഫര് കാലയളവില് മാത്രമെ ലഭ്യമാകു. ഇതിലൂടെ നിക്ഷേപകന് പ്രിന്സിപ്പള് സ്മോള് ക്യാപ് ഫണ്ടുകളില് നാല് തുല്യ മാസ തവണകളായി നിക്ഷേപം വ്യാപിപ്പിക്കാം. 25 ശതമാനം തുക മാത്രമെ പ്രിന്സിപ്പള് സ്മോള് ക്യാപ് ഫണ്ടില് നിക്ഷേപിക്കൂ, ശേഷിക്കുന്ന 75 ശതമാനം പ്രിന്സിപ്പല് കാഷ് മാനേജ്മെന്റ് ഫണ്ടില് നിക്ഷേപിക്കും. റെഗുലര് ,ഡയറക്ട് പ്ലാനുകള് ലഭ്യമാകും. ഗ്രോത്ത് ,ഡിവിഡന്റ് ഓപ്ഷനുകള് തിരഞ്ഞെടുക്കാം. കുറഞ്ഞ നിക്ഷേപം 5,000 രൂപ.