sections
MORE

മൊത്ത വില പണപ്പെരുപ്പം 1.08% ആയി കുറഞ്ഞു

market
സെൻട്രൽ മാർക്കറ്റിൽ വിൽപ്പനക്കായി നിരത്തിയിരിക്കുന്ന പച്ചക്കറികൾ.
SHARE

മൊത്തവില സൂചിക അടിസ്ഥാനമാക്കിയുള്ള രാജ്യത്തെ പണപ്പെരുപ്പം ജൂലൈയില്‍ 1.08 ശതമാനമായി കുറഞ്ഞു. ഇന്ധന , ഭക്ഷ്യ വിലകളില്‍ ഉണ്ടായ കുറവാണ്‌ മൊത്ത വില പണപ്പെരുപ്പത്തില്‍ കുറവ്‌ വരാന്‍ പ്രധാന കാരണം. ജൂണില്‍ രാജ്യത്തെ മൊത്തവില പണപ്പെരുപ്പം 2.02 ശതമാനം ആയിരുന്നു. അതേസമയം കഴിഞ്ഞ വര്‍ഷം ജൂലൈയില്‍ ഇത്‌ 5.27 ശതമാനമായിരുന്നു. 
ജൂലൈയില്‍ ഭക്ഷ്യ വസ്‌തുക്കളുടെ വിലക്കയറ്റം 6.15 ശതമാനമായി കുറഞ്ഞു. മുന്‍മാസമിത്‌ 6.98 ശതമാനമായിരുന്നു. ഇന്ധന, ഊര്‍ജ വിഭാഗങ്ങളിലെ പണപ്പെരുപ്പം യഥാക്രമം -3.64 ശതമാനമായും -2.2 ശതമാനമായും കുറഞ്ഞു. 
ജൂലൈയിലെ രാജ്യത്തെ ഉപഭോക്തൃ വില സൂചിക അടിസ്ഥാനമാക്കിയുള്ള പണപ്പെരുപ്പം 3.15 ശതമാനമായി കുറഞ്ഞിട്ടുണ്ട്‌.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN BUSINESS NEWS
SHOW MORE
FROM ONMANORAMA