ADVERTISEMENT

ആഴ്‌ചയവസാനം 53,000 രൂപയിലേക്ക് തിരികെ എത്തി സംസ്ഥാനത്തെ സ്വർണ വില. ഗ്രാമിന് 60 രൂപയും പവന് 480 രൂപയും വർധിച്ച് ഗ്രാമിന് 6,650 രൂപയിലും പവന് 53,200 രൂപയിലുമാണ് ശനിയാഴ്ച വ്യാപാരം നടക്കുന്നത്. ഗ്രാമിന് 25 രൂപയും പവന് 200 രൂപയും കുറഞ്ഞ് ഗ്രാമിന് 6,590 രൂപയിലും പവന് 52,720 രൂപയിലുമാണ് ഇന്നലെ വ്യാപാരം നടന്നത്. കഴിഞ്ഞ ശനിയാഴ്ചയാണ് സ്വർണം 52,000 രൂപയിലേക്ക് ഇടിഞ്ഞത്.

ഗ്രാമിന് 190 രൂപയും പവന് 1,520 രൂപയുമാണ് കഴിഞ്ഞ ശനിയാഴ്ച ഇടിഞ്ഞത്.  ഗ്രാമിന് 6,570 രൂപയിലും പവന് 52,560 രൂപയിലുമാണ് അന്ന് വ്യാപാരം നടന്നത്. ചരിത്രത്തിൽ ആദ്യമായാണ് ഒരു ദിവസം ഇത്രയും ഇടിവിൽ വ്യാപാരം നടക്കുന്നത്. 

18 മാസത്തെ ഇടവേളയ്ക്ക് ശേഷം ചൈന കൂടുതൽ സ്വർണ ശേഖരം വാങ്ങുന്നത് നിർത്തിവെച്ചു എന്ന വാർത്ത പുറത്തുവന്നതോടെയാണ് കഴിഞ്ഞ ദിവസങ്ങളിൽ സ്വർണ വില താഴേക്ക് പോയത്.രാജ്യാന്തര വിപണിയിൽ സ്‌പോട്ട് ഗോൾഡ് l 1.3 ശതമാനം ഉയർന്ന് ഔൺസിന് 2,332.55 ഡോളറിലും

യുഎസ് ഗോൾഡ് ഫ്യൂച്ചേഴ്സ് 1.3 ശതമാനം താഴ്ന്ന് 2,349.1 ഡോളറിലുമെത്തി.അതേ സമയം വർഷാവസാനത്തോടെ യു എസ്  പണപെരുപ്പം കുറയുന്നതിന്റെ സൂചനകൾ പുറത്തു വന്നത് ഫെഡ് നിരക്കുകൾ കുറയ്ക്കുമെന്ന പ്രതിക്ഷ ഉണർത്തിയത് സ്വർണ വിലയെ കഴിഞ്ഞ മണിക്കൂറിൽ സ്വാധീനിച്ചു. സംസ്ഥാനത്തെ വെള്ളി വിലയും ഉയർന്നിട്ടുണ്ട്. ഗ്രാമിന് ഒരു രൂപ വർധിച്ച് 95 രൂപയിലാണ് ഇന്ന് വ്യാപാരം നടക്കുന്നത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com