ADVERTISEMENT

സംസ്ഥാനത്ത് സ്വർണ വില കുറഞ്ഞു. ഗ്രാമിന് 10 രൂപയും പവന് 80 രൂപയുമാണ് ഇന്ന് കുറഞ്ഞത്. ഇതോടെ ഗ്രാമിന് 6,625 രൂപയിലും പവന് 53,000 രൂപയിലുമാണ് തിങ്കളാഴ്ച വ്യാപാരം പുരോഗമിക്കുന്നത്. ഗ്രാമിന് 6,635 രൂപയിലും പവന് 53,080 രൂപയിലുമാണ് രണ്ട് ദിവസം വ്യാപാരം നടന്നത്. ജൂൺ 7ന് രേഖപ്പെടുത്തിയ ഗ്രാമിന് 6,760 രൂപയും പവന് 54,080 രൂപയുമാണ് ഈ മാസത്തെ ഏറ്റവും കൂടിയ നിരക്ക്. ഏറ്റവും കുറഞ്ഞ നിരക്ക് ജൂൺ 8 മുതൽ 10 വരെ രേഖപ്പെടുത്തിയ ഗ്രാമിന് 6,570 രൂപയും പവന്  52,560 രൂപയുമാണ്.

വില കുറഞ്ഞെങ്കിലും ഒരു പവൻ സ്വർണാഭരണം വാങ്ങാൻ ഏകദേശം 58,000 രൂപയ്ക്ക് അടുത്ത് നൽകേണ്ടി വരും. ഒരു പവൻ വാങ്ങാൻ ആഭരണം വാങ്ങുമ്പോൾ അതിനൊപ്പം പണിക്കൂലി, നികുതി, ഹാൾ മാർക്കിങ് നിരക്കുകൾ തുടങ്ങിയ കൂടി നൽകണം. ശരാശരി 5 ശതമാനമാണ് പണിക്കൂലി. 3 ശതമാനം ജിഎസ്ടിയും നൽകണം. സ്വർണവില പ്രവചനാതീതമായതിനാൽ കുറയുമ്പോൾ ബുക്ക് ചെയ്യുന്നത് നല്ലതാണ്. വിലയുടെ 10% ബുക്ക് ചെയ്യുമ്പോൾ നൽകേണ്ടിവരും.

രാജ്യാന്തര വിപണിയിൽ അമേരിക്കയുടെ പിസിഇ ഡേറ്റ ഈ ആഴ്ചയിൽ വരാനിരിക്കെ ഫെഡ് പ്രാസംഗികർ ഡോളറിനും ബോണ്ട് യീൽഡിനും പിന്തുണ നൽകിയേക്കാവുന്നത്  രാജ്യാന്തര സ്വർണ വിലക്ക് പ്രധാനമാണ്.അതേ സമയം യുദ്ധവാർത്തകളുടെ കൂടി പിൻബലത്തിൽ മുന്നേറിയ രാജ്യാന്തര സ്വർണവില ആഴ്ചാവസാനത്തിൽ  നേട്ടങ്ങൾ കൈവിട്ടു. പകുതിയിലധികം കേന്ദ്രബാങ്കുകളുടെ സ്വർണശേഖരത്തിൽ അടുത്ത 12 മാസങ്ങളിൽ വലിയ വർദ്ധനവുണ്ടാകില്ല എന്ന ഗോൾഡ് കൗൺസിലിന്റെ സൂചനയാണ് സ്വർണത്തിന് വിനയായത്.

സംസ്ഥാനത്തെ വെള്ളിയുടെ നിരക്കിൽ മാറ്റാമില്ല. ഗ്രാമിന് 95 രൂപ നിരക്കിൽ വ്യാപാരം തുടരുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com