സ്വർണ വില രണ്ടാം ദിവസവുമുയർന്നു, പവന് 38,160 രൂപ

രണ്ടാം ദിവസവും സംസ്ഥാനത്ത് സ്വര്‍ണവില പവന് 240 രൂപ കൂടി 38,160 രൂപയായി. 30 രൂപ വർധിച്ച്  4770 രൂപയാണ് ഗ്രാമിന്റെ വില.കഴിഞ്ഞ ആഴ്ച അവസാനം പവന്  രൂപ 37,800 രൂപയെന്ന നിലയിൽ മാറ്റമില്ലാതെ തുടർന്ന ശേഷമാണ് തിങ്കളാഴ്ച വിലയുയർന്നത്. സ്വർണം  ആഗോള വിപണിയിൽ ഈ വില ആഴ്ച ഉയരുമെന്നാണ് ലഭിക്കുന്ന സൂചന.

കോവിഡ് പ്രതിസന്ധിയെ തുടർന്ന് കഴിഞ്ഞ ഏതാനും മാസങ്ങളായി സ്വർണ വില ഉയരുന്ന പ്രവണതയ്ക്ക് ആഗസ്റ്റിലാണ് മാറ്റം വന്നത്.ആഗസ്റ്റ് 7,8,9തീയതികളിൽ ചരിത്രത്തിലെ ഏറ്റവും ഉയർന്ന നിലയായ പവന് 42,000 രൂപയിലെത്തിയ ശേഷം വില ഇടിയുകയായിരുന്നു. പിന്നീട് വിപണിയിൽ തുടർച്ചയായ ചാഞ്ചാട്ടമാണ്. കോവിഡ് വാക്സീൻ കണ്ടെത്തൽ വൈകുന്നതും  ഇന്ത്യ –ചൈന പ്രതിസന്ധിക്ക് അയവ് വരാത്തതുമാണ് സ്വർണ വിലയെ ഇപ്പോൾ സ്വാധീനിക്കുന്ന പ്രധാനഘടകങ്ങള്‍.

English Summary : Gold Price today