സ്വർണ വില വീണ്ടുമുയർന്നു

സംസ്ഥാനത്ത് സ്വർണ വിലയിൽ വീണ്ടും വർധന. ഗ്രാമിന് 35 രൂപയും പവന് 280 രൂപയുമാണ് വ്യാഴാഴ്ച വർധിച്ചത്. ഇതോടെ ഗ്രാമിന് 4215 രൂപയും പവന് 33,720 രൂപയുമായി. ഇന്നും ഇന്നലെയുമായി പവന്  400 രൂപയുടെ വർധനയാണ് ഉണ്ടായിരിക്കുന്നത് .ഗ്രാമിന് 4180 രൂപയിലും  പവന് 33,440 രൂപയിലുമാണ് ഇന്നലെ വ്യാപാരം അവസാനിപ്പിച്ചത്.മാർച്ച്‌ 1 ന് രേഖപ്പെടുത്തിയ 34,400 രൂപയാണ് ഈ മാസത്തെ ഏറ്റവും ഉയർന്ന വില.ഏറ്റവും കുറഞ്ഞ വില മാർച്ച്‌ 5 ന് രേഖപ്പെടുത്തിയ 33,160 രൂപയാണ്. വെള്ളി വില ഗ്രാമിന് 72 രൂപയാണ്. രാജ്യാന്തര വിപണിയിൽ,സ്വർണം ഒരാഴ്ചയിലെ ഏറ്റവും ഉയർന്ന നിരക്കിലെത്തി. പണപ്പെരുപ്പ ഡാറ്റയെത്തുടർന്ന് യുഎസ് ട്രഷറി വരുമാനം കുറഞ്ഞു. ഇതോടെ സ്‌പോട്ട് ഗോൾഡ് 0.5 ശതമാനം ഉയർന്ന് ഔൺസിന് 1,723.01 ഡോളറിലെത്തി.

English Summary: Gold Price Today