ചാ‍ഞ്ചാട്ടം തുടരുന്നു, സംസ്ഥാനത്ത് ഇന്നും സ്വർണവില കുറഞ്ഞു

സംസ്ഥാനത്ത് സ്വർണ വില കുറഞ്ഞു. ഗ്രാമിന് ശനിയാഴ്ചയിലെ വിലയിൽ നിന്നും 20 രൂപ കുറഞ്ഞു 4170 രൂപയും പവന് 160 രൂപ കുറഞ്ഞു 33,360 രൂപയുമാണ് തിങ്കളാഴ്ച രേഖപ്പെടുത്തിയിരിക്കുന്നത്.വെള്ളി വിലയിൽ മാറ്റമില്ല. ഗ്രാമിന് 70 രൂപ. വെള്ളിയാഴ്ച ഇടിഞ്ഞ സ്വർണ വില ശനിയാഴ്ച ഗ്രാമിന്  4190 രൂപയായും പവന് 33,520 രൂപയായും വർധിച്ചിരുന്നു. ഇതിനു പിന്നാലെ ആണ് ഇന്ന് വില ഇടിഞ്ഞത്.സ്വർണം ഗ്രാമിന് മാർച്ച്‌ 1 ന് രേഖപ്പെടുത്തിയ 34,400 രൂപയാണ് ഈ മാസത്തെ ഏറ്റവും ഉയർന്ന വില. കുറഞ്ഞ വില മാർച്ച്‌ 5 ന് രേഖപ്പെടുത്തിയ 33,160 രൂപയാണ്.

English Summary : Gold Price Today in Kerala