സ്വർണ വില നാലാം ദിവസവും മാറ്റമില്ലാതെ തുടരുന്നു

സംസ്ഥാനത്ത് സ്വർണ വിലയിൽ  നാലാം ദിവസവും മാറ്റമില്ല . വെള്ളിയാഴ്ച മുതൽ വിലയിൽ മാറ്റമില്ലാതെ ഗ്രാമിന്  4225 രൂപയും പവന് 33,800 രൂപയുമായി തുടരുകയാണ്.  കനത്ത തകർച്ച മാർച്ചിൽ നേരിട്ട സ്വർണം പുതിയ മാസത്തിന്റെ തുടക്കത്തിൽ പ്രതീക്ഷ ഉണർത്തി. സ്വർണ വിപണിയിൽ വ്യാഴാഴ്ച ഗ്രാമിന് 4165 രൂപയിലും പവന് 33,320 രൂപയിലും ആയിരുന്നു വില. ബുധനാഴ്ച മാർച്ചിലെ കനത്ത വിലത്തകർച്ച നേരിട്ട സ്വർണം ഗ്രാമിന് 4110 രൂപയിലും പവന് 32880ലുമായിരുന്നു. ആഗോള വിപണിയിലെ ചാഞ്ചാട്ടങ്ങളാണ് ആഭ്യന്തര സ്വർണ വിലയിലും പ്രതിഫലിക്കുന്നത്.

English Summary : Gold Price Today in Keralal