ആദായ നികുതി റിട്ടേണ്‍ സമര്‍പ്പിക്കാനുള്ള സമയ പരിധി നീട്ടി

വ്യക്തികള്‍ക്ക് ആദായ നികുതി റിട്ടേണ്‍ സമര്‍പ്പിക്കാനുള്ള തീയതി നീട്ടി. 2020-21 സാമ്പത്തിക വര്‍ഷത്തെ റിട്ടേണ്‍ സെപ്തംബര്‍ 30 വരെ സമര്‍പ്പിക്കാം. കമ്പനികള്‍ക്ക് ഐ ടി ആര്‍ ഫയല്‍ ചെയ്യാനുള്ള തീയതി നേരത്തെ നവംമ്പര്‍ 30 വരെ കേന്ദ്ര പ്രത്യക്ഷ നികുതി ബോര്‍ഡ് ഉയര്‍ത്തിയിരുന്നു.

ആദായ നികുതി ചട്ടമനുസരിച്ച് ഐ ടി ആര്‍-1, ഐ ടി ആര്‍-4 ഫോമുകളില്‍ അപേക്ഷിക്കേണ്ട വ്യക്തികള്‍ റിട്ടേണ്‍ ഫയല്‍ ചെയ്യേണ്ട അവസാന തീയതി ജൂലായ് 31 ആണ്. കമ്പനികളുടേത് ഇത് ഒക്ടോബര്‍ 31 ഉം.

കോവിഡ് രണ്ടാം വ്യാപനം പ്രതീക്ഷച്ചതിലധികം ദുരിതങ്ങള്‍ വിതച്ചതും രാജ്യവ്യാപകമായി സംസ്ഥാനങ്ങല്‍ ലോക്ഡൗണ്‍ പ്രഖ്യാപിച്ചതും കണക്കിലെടുത്താണ് ഈ തീരുമാനം.

2020-21 സാമ്പത്തിക വര്‍ഷത്തില്‍ വ്യക്തികള്‍ക്ക്  പുതിയ ഐ ടി സ്ലാബ് തിരെഞ്ഞെടുക്കാനുള്ള സ്വാതന്ത്ര്യവും നല്‍കുന്നുണ്ട്. വിവിധ തരത്തിലുള്ള ആദായ നികുതി ഒഴിവുകള്‍ സ്വീകരിക്കാത്തവര്‍ക്കാണ് പുതിയ സ്ലാബ്.

ഇതനുസരിച്ച് 2.5 ലക്ഷം മുതല്‍ അഞ്ച് ലക്ഷം വരെ 5 ശതമാനമാണ് നികുതി. 5 മുതല്‍ 7.5 വരെയുള്ള രണ്ടാം സ്‌ളാബില്‍ നികുതി 10 ശതമാനം. 7.5 മുതല്‍ 10 ലക്ഷം വരെ 15 ശതമാനവും 10 മുതല്‍ 12.5 വരെ 20 ശതമാനവും നികുതി നല്‍കണം. 12.5 മുതല്‍ 15 ലക്ഷം വരെ വാര്‍ഷിക വരുമാനമുള്ളവര്‍ 25 ശതമാനവും 15 ലക്ഷംത്തിന് മുകളില്‍ 30 ശതമാനവും നികുതി ഒടുക്കണം.

English Summary : Income Tax Return Filing Date Extended