രണ്ടു ദിവസത്തിനു ശേഷം സംസ്ഥാനത്ത് സ്വർണ വില ഉയർന്നു
Mail This Article
രണ്ട് ദിവസമായി ഒരേ വില തുടർന്ന ശേഷം സംസ്ഥാനത്ത് തിങ്കളാഴ്ച സ്വർണ വില വർധിച്ചു. ഗ്രാമിന് 20 രൂപയും പവന് 160 രൂപയും വർധിച്ച് ഗ്രാമിന് 4590 രൂപയും പവന് 36,720 രൂപയുമാണ് ഇന്ന് രേഖപ്പെടുത്തിയിരിക്കുന്നത്. സ്വർണം ഗ്രാമിന് 4570 രൂപയിലും പവന് 36,560 രൂപയുമായിരുന്നു രണ്ട് ദിവസമായി വ്യാപാരം നടന്നത്. ഈ മാസം മാത്രം ഒരു പവൻ സ്വർണത്തിനു കൂടിയത് 1840 രൂപയാണ്, ഒരു ഗ്രാമിനുയർന്നത് 230 രൂപയും.
ഏപ്രിലിൽ പവന് 1720 യും ഗ്രാമിന് 215 രൂപയും ഉയർന്നിരുന്നു. അതേ സമയം മാർച്ചിൽ 1,560 രൂപയും ഫെബ്രുവരിയിൽ 2,640 രൂപയും പവന് കുറയുകയും ചെയ്തു. അടുത്ത മാസം പകുതിയോടെ നടക്കാനിരിക്കുന്ന അമേരിക്കൻ ഫെഡ് മീറ്റിങ് സ്വർണത്തിന് രാജ്യാന്തര വിപണിയിൽ ഔൺസിന് 2000 ഡോളറിലേക്കുള്ള മുന്നേറ്റത്തിന് പിന്തുണയായേക്കുമന്ന് വിദഗ്ധർ കരുതുന്നു. അമേരിക്കൻ പണപ്പെരുപ്പ കണക്കുകൾ ഉയർന്നിട്ടും ബോണ്ട് വരുമാനം കുറഞ്ഞത് 1900 നിരക്കിൽ കൺസോളിഡേറ്റ് ചെയ്യുന്ന സ്വർണത്തിനും അനുകൂലമാകുമെന്ന് കരുതുന്നതായി വിദഗ്ധർ പറഞ്ഞു.
English Summary : Gold Price Today in Kerala