സ്വര്ണ വില വീണ്ടും ഉയർന്നു
Mail This Article
സംസ്ഥാനത്ത് സ്വർണ വില വർധിച്ചു. ഗ്രാമിന് 10 രൂപയും പവന് 80 രൂപയുമാണ് ചൊവ്വാഴ്ച വർധിച്ചത്. ഇതോടെ ഗ്രാമിന് 4590 രൂപയും പവന് 36,720 രൂപയുമാണ് ഇന്നത്തെ നിരക്ക്. വെള്ളി ഗ്രാമിന് 76 രൂപ. സ്വർണ്ണം ഗ്രാമിന് 4580 രൂപയിലും പവന് 36 640 രൂപയിലുമാണ് തിങ്കളാഴ്ച വ്യാപാരം അവസാനിപ്പിച്ചത്. ഒരു പവൻ സ്വർണത്തിന് ഈ മാസം ഏറ്റവും ഉയർന്ന വില ജൂൺ 3 ന് രേഖപ്പെടുത്തിയ 36,960 രൂപയും ഏറ്റവും കുറവ് ജൂൺ 4 ന് രേഖപ്പെടുത്തിയ 36,400 രൂപയും ആയിരുന്നു. അതേ സമയം രാജ്യാന്തര വിപണിയിൽ അമേരിക്കൻ ബോണ്ട് വരുമാനം മുന്നേറിയെങ്കിലും, അത്ര ശക്തമല്ലാതിരുന്നത് സ്വർണത്തിന് അനുകൂലമായി. 1900 ഡോളർ നിരക്കിലേക്ക് ഉയർന്ന രാജ്യാന്തര സ്വർണവില ബോണ്ടിലെ ചാഞ്ചാട്ടങ്ങൾക്കൊപ്പം ക്രമപ്പെട്ടേക്കാം. 1910 ഡോളർ പിന്നിട്ടാൽ സ്വർണത്തിന് 1930 ഡോളറാണ് അടുത്ത ലക്ഷ്യമെന്നു വിദഗ്ദർ പറഞ്ഞു.
English Summary: Gold Price Today in Kerala