സ്വർണ വില വീണ്ടും ഉയർന്നു, ഈ മാസത്തെ ഉയർന്ന നിലയിൽ

സംസ്ഥാനത്ത് സ്വർണ വില വർധിച്ചു. ഈ മാസം രേഖപ്പെടുത്തുന്ന ഏറ്റവും ഉയർന്ന വിലയിലാണ് വെള്ളിയാഴ്ച വ്യാപാരം നടക്കുന്നത്. രണ്ടു ദിവസമായി ഒരേ വില തുടർന്ന ശേഷമാണ് ഇന്ന് വില വർധിച്ചത്.ഗ്രാമിന് പത്തു രൂപയും പവന് 80 രൂപയും ആണ് ഇന്ന് വർധിച്ചത്. ഇതോടെ ഗ്രാമിന് 4475 രൂപയും പവന് 35,800 രൂപയുമാണ് ഇന്നത്തെ നിരക്ക്. ഗ്രാമിന് 4465 രൂപയും, പവന് 35720 രൂപയിലുമാണ് ഇന്നലെ വ്യാപാരം അവസാനിപ്പിച്ചത്. രാജ്യാന്തര വിപണിയിൽ സ്‌പോട്ട് സ്വർണം ഔൺസിന് 1,787.30 ഡോളറാണ്. സംസ്ഥാനത്ത് ജൂൺ മാസത്തിൽ പൊതുവെ  ഇടിവ് നേരിട്ട സ്വർണത്തിന് ജൂലൈയുടെ തുടക്കം മുതൽ വില ഉയരുന്ന പ്രവണതയാണ് കാണിക്കുന്നത്.

English Summary: Gold Price Today