രണ്ടാം ദിവസവും സ്വർണവില ഉയർന്നു

സംസ്ഥാനത്ത്  സ്വർണ വില ബുധനാഴ്ചയും ഉയർന്നു. ഗ്രാമിന് 10 രൂപയും പവന് 80 രൂപയുമാണ് ഇന്ന് വർധിച്ചത്. ഇതോടെ ഗ്രാമിന് 4490 രൂപയും പവന് 35,920 രൂപയുമാണ് ഇന്നത്തെ വില. ഈ മാസം രേഖപ്പെടുത്തുന്ന ഏറ്റവും വലിയ വിലയാണ് ഇത്. ഗ്രാമിന് 4,480 രൂപയിലും  പവന് 35,840 രൂപയിലുമാണ് ഇന്നലെ വ്യാപാരം നടന്നത്. രണ്ടു ദിവസം കൊണ്ട് ഗ്രാമിന് 25 രൂപയും പവന് 200 രൂപയും വർധിച്ചു. മാസത്തിന്റെ തുടക്കത്തിൽ സ്വർണത്തിന് വില ഇടിഞ്ഞെങ്കിലും പിന്നീട് വില വർധിക്കുന്ന പ്രവണതയാണ് കാണിക്കുന്നത്. സ്വർണത്തിന് ഏറ്റവും കുറഞ്ഞ വില ജൂലൈ 1 ന് രേഖപ്പെടുത്തിയ 35,200 രൂപയാണ്. രണ്ടാഴ്ചയ്ക്കുള്ളിൽ പവന് 720 രൂപ ഉയർന്നു.

English Summary : Gold  Price Today in Kerala