സ്വർണ വിലയിൽ മാറ്റമില്ല
Mail This Article
സംസ്ഥാനത്ത് സ്വർണ വിലയിൽ മാറ്റമില്ല. മൂന്നു ദിവസമായി ഗ്രാമിന് 4500 രൂപയിലും പവന് 36,000 രൂപയിലുമാണ് വ്യാപാരം നടക്കുന്നത്. ഈ മാസത്തെ ഏറ്റവും ഉയർന്ന വില വെള്ളിയാഴ്ച രേഖപ്പെടുത്തിയ ശേഷം ശനിയാഴ്ച വിലയിടിഞ്ഞിരുന്നു. ഗ്രാമിന് 25 രൂപയും പവന് 200 രൂപയുമാണ് ശനിയാഴ്ച കുറഞ്ഞത്.
മാസത്തിന്റെ തുടക്കത്തിൽ സ്വർണ്ണത്തിന് വില ഇടിഞ്ഞെങ്കിലും പിന്നീട് വില വർധിക്കുന്ന പ്രവണതയാണ്. സ്വർണത്തിന് ഏറ്റവും കുറഞ്ഞ വില ജൂലൈ 1 ന് രേഖപ്പെടുത്തിയ 35,200 രൂപയാണ്.ഏറ്റവും കൂടിയ നിരക്ക് ജൂലൈ 16 നു രേഖപ്പെടുത്തിയ 36,200 രൂപയാണ്.
രാജ്യാന്തര വിപണിയിൽ സ്പോട്ട് സ്വർണം 0.1 ശതമാനം ഉയർന്ന് ഔൺസിന് 1,812.83 ഡോളറിലെത്തി. 1830 ഡോളർ തൊട്ട ശേഷം വീണ്ടും 1812 ഡോളറിൽ വ്യാപാരമവസാനിപ്പിച്ച രാജ്യാന്തര സ്വർണ വില വീണ്ടും മുന്നേറ്റം സ്വന്തമാക്കിയേക്കാ.ഓഹരി വിപണിയിലെ തിരുത്തലുകളും , ബോണ്ട് വരുമാന വ്യതിയാനങ്ങളും സ്വർണത്തിന് അനുകൂലമായേക്കാം.
English Summary: Today's gold price