സ്വർണ വില ഇന്ന് വീണ്ടും ഉയർന്നു

സംസ്ഥാനത്ത് സ്വർണവില വർധിച്ചു. ഗ്രാമിന് 20 രൂപയും പവന് 160 രൂപയും വർധിച്ച് ഗ്രാമിന് 4480 രൂപയും പവന് 35,840 രൂപയുമാണ് ബുധനാഴ്ച രേഖപ്പെടുത്തിയിരിക്കുന്നത്. ഗ്രാമിന് 20 രൂപയും  പവന് 160 രൂപയും ഇടിഞ്ഞു ഗ്രാമിന് 4460 രൂപയും പവന് 35,680 രൂപയും ആയിരുന്നു  ഇന്നലത്തെ  നിരക്ക്. പവന് 35,840 രൂപയും ഗ്രാമിന് 4480 രൂപയും ആയിരുന്നു  തിങ്കളാഴ്ചത്തെ നിരക്ക്. സ്വര്‍ണത്തിന് ഏറ്റവും ഉയര്‍ന്ന നിരക്ക് ജൂലൈ 16നും 20നും രേഖപ്പെടുത്തിയ 36,200 രൂപയാണ്.  ഏറ്റവും കുറഞ്ഞ വില ജൂലൈ ഒന്നിന് രേഖപ്പെടുത്തിയ 35,200 രൂപയുമാണ്. ജൂണ്‍ മാസത്തെ അപേക്ഷിച്ച് സ്വര്‍ണ വിപണി ജൂലൈ മാസത്തില്‍ മുന്നേറ്റം തുടരുകയാണ്. രാജ്യാന്തര വിപണിയിൽ ഇന്നത്തെ അമേരിക്കൻ  ഫെഡ്  റിസർവ്  പ്രഖ്യാപനങ്ങൾ സ്വർണത്തിൽ  ചാഞ്ചാട്ടം  സൃഷ്ടിക്കും. വിപണി  അനുകൂലമായ  പ്രഖ്യാപനങ്ങൾ  സ്വർണത്തിന്  തിരുത്തൽ നൽകിയേക്കാം.

English Summary: Gold Price Today in Kerala