സംസ്ഥാനത്തെ സ്വർണ വിലയിൽ ചാഞ്ചാട്ടം, ഇന്നും വില കുറഞ്ഞു
Mail This Article
സംസ്ഥാനത്ത് വീണ്ടും സ്വർണ വില കുറഞ്ഞു. ഗ്രാമിന് 15 രൂപയും പവന്120 രൂപയും കുറഞ്ഞ് ഗ്രാമിന് 4,420 രൂപയും പവന് 35,360 രൂപയും ആണ് വ്യാഴാഴ്ച രേഖപ്പെടുത്തിയിരിക്കുന്നത്. ഇതോടെ ഇന്നും ഇന്നലെയും ആയി ഗ്രാമിന് 25 രൂപയും പവന് 200 രൂപയും ഇടിഞ്ഞു. ഗ്രാമിന് 10 രൂപയും പവന് 80 രൂപയും കുറഞ്ഞ് 4,435 രൂപയിലും 35,480 രൂപയിലും ആണ് ഇന്നലെ വ്യാപാരം അവസാനിപ്പിച്ചത്. ഓഗസ്റ്റ് മാസം സ്വർണ വിലയിൽ ഏറ്റകുറച്ചിലുകൾ പ്രകടമാണ്. സ്വർണത്തിന് ഏറ്റവും ഉയർന്ന നിരക്ക് രേഖപ്പെടുത്തിയത് ഓഗസ്റ്റ് 1,2 തീയതികളിൽ ആയിരുന്നു. 36,000 രൂപയായിരുന്നു അന്നത്തെ വില. ഏറ്റവും കുറവ് രേഖപ്പെടുത്തിയത് ഓഗസ്റ്റ് 9,10, 11 തീയതികളിൽ ആയിരുന്നു. 34,680 രൂപയായിരുന്നു അന്നത്തെ നിരക്ക്.രാജ്യാന്തര വിപണിയിൽ സ്പോട്ട് സ്വർണം ഔൺസിന് 0.1% കുറഞ്ഞ് 1,788.17 ഡോളറിലെത്തി. ബോണ്ട് വരുമാന മുന്നേറ്റം ഇന്നലെയും സ്വർണത്തിന് മുന്നേറ്റം നിഷേധിച്ചു.
English Summary : Gold Price Today