സംസ്ഥാനത്ത് സ്വർണം വീണ്ടും വില കുറഞ്ഞു
Mail This Article
രണ്ട് ദിവസത്തെ വില വർധനയ്ക്കൊടുവിൽ വ്യാഴാഴ്ച സംസ്ഥാനത്തെ സ്വർണ വില കുറഞ്ഞു. ഗ്രാമിന് 25 രൂപയും പവന് 200 രൂപയുമാണ് ഇന്ന് കുറഞ്ഞത്. ഇതോടെ ഗ്രാമിന് 4,360 രൂപയും പവന് 34,880 രൂപയുമാണ് ഇന്നത്തെ നിരക്ക്. ഗ്രാമിന് 35 രൂപയും പവന് 280 രൂപയും വർധിച്ച് 4,385 രൂപയിലും 35,080 രൂപയിലുമാണ് ബുധനാഴ്ച വ്യാപാരം നടന്നത്. സെപ്റ്റംബർ 20 ന് രേഖപ്പെടുത്തിയ 34,640 രൂപയാണ് ഈ മാസം രേഖപ്പെടുത്തുന്ന ഏറ്റവും കുറഞ്ഞ വില. സ്വർണത്തിനു ഈ മാസത്തെ ഏറ്റവും ഉയർന്ന നിരക്ക് 4,5,6 തീയതികളിൽ രേഖപ്പെടുത്തിയ 35,600 രൂപയാണ്. സെപ്റ്റംബറിൽ വില തുടർച്ചയായി ഇടിയുന്ന പ്രവണതയാണ് സംസ്ഥാനത്തെ സ്വർണ വിപണി നേരിടുന്നത്. രാജ്യാന്തര വിപണിയിൽ ഫെഡ് റിസർവിന്റെ നയപ്രഖ്യാപനങ്ങൾ അമേരിക്കൻ വിപണിക്ക് നൽകിയ ആത്മവിശ്വാസം ഇന്നലെ രാജ്യാന്തര സ്വർണ വിലയിൽ തിരുത്തൽ നൽകി. ബോണ്ട് വരുമാന വീഴ്ചയുടെ പശ്ചാത്തലത്തിൽ 1760 ഡോളറിൽ പിന്തുണ നേടിയ സ്വർണം തിരിച്ചു കയറിയേക്കാം.
English Summary : Gold Price Today in Kerala