സംസ്ഥാനത്ത് സ്വർണ വില വീണ്ടും കുറഞ്ഞു

സംസ്ഥാനത്ത് സ്വർണ വില വീണ്ടും താഴേക്ക്. ഗ്രാമിന് 15 രൂപയും പവന് 120 രൂപയും കുറഞ്ഞു. ഗ്രാമിന് 4305 രൂപയും പവന് 34,440 രൂപയുമാണ് വ്യാഴാഴ്ച രേഖപ്പെടുത്തിയിരിക്കുന്നത്. ഈ മാസം രേഖപ്പെടുത്തുന്ന ഏറ്റവും കുറഞ്ഞ വിലയാണിത്. ഗ്രാമിന് 4,320 രൂപയിലും പവന് 34,560 രൂപയിലുമാണ് രണ്ടു ദിവസമായി വ്യാപാരം നടന്നത്.

തുടർച്ചയായി വില ഇടിയുന്ന  കാഴ്ചയാണ് സെപ്റ്റംബറിലെ സ്വർണ വിപണി നേരിടുന്നത്. സെപ്റ്റംബർ 17 ന് ആണ് സ്വർണ വില ആദ്യമായി 35,000 രൂപയിൽ താഴെ എത്തിയത്. സെപ്റ്റംബര്‍ ഒന്നിന് പവന് 35,440 രൂപയായിരുന്നു വില. സെപ്റ്റംബര്‍ 4, 5, 6 തീയതികളിലായിരുന്നു സ്വര്‍ണ വില ഈ മാസത്തെ ഏറ്റവും ഉയര്‍ന്ന നിരക്ക് രേഖപ്പെടുത്തിയത്. പവന് 35,600 രൂപയായിരുന്നു ഈ ദിവസങ്ങളിലെ സ്വര്‍ണവില. ഓഗസ്റ്റ് മാസത്തിന്റെ ആരംഭത്തില്‍ പവന് 36,000 രൂപയായിരുന്നു നിരക്ക്. ഓഗസ്റ്റിലെ ഏറ്റവും ഉയര്‍ന്ന നിരക്കാണിത്. ഓഗസ്റ്റ് മാസത്തിൽ പിന്നീട് സ്വര്‍ണ വില കുറയുന്ന കാഴ്ചയാണ് ദൃശ്യമായത്.

ഓഗസ്റ്റ് ഒന്‍പത് മുതല്‍ 11 വരെയുള്ള ദിവസങ്ങളില്‍ ഒരു പവന്‍ സ്വര്‍ണത്തിന് 34,680 രൂപയായിരുന്നു വില. ഇതാണ് ഓഗസ്റ്റ് മാസത്തെ ഏറ്റവും കുറഞ്ഞ നിരക്ക്. രാജ്യാന്തര വിപണിയിൽ ബോണ്ട് യീൽഡ് സ്വർണത്തിന്റെ മുന്നേറ്റം തടയുകയാണ്. ഇൻഫ്‌ളേഷൻ, ഇക്കണോമിക് റിക്കവറി ആശങ്കകൾ സ്വർണത്തിന് മുന്നേറ്റ സാധ്യതയാണ്. സ്വർണം 1720 ഡോളറിൽ വലിയ പിന്തുണ പ്രതീക്ഷിക്കുന്നതായി വിദഗ്ദർ പറഞ്ഞു.

English Summary: Kerala's gold price today