മാർച്ച് 15 വരെ ആദായ നികുതി റിട്ടേൺ സമർപ്പിക്കാം
Mail This Article
ഓഡിറ്റിങ്ങോടുകൂടിയ ആദായ നികുതി റിട്ടേൺ സമർപ്പിക്കാനുള്ള തിയതി മാർച്ച് 15 വരെ നീട്ടി. വീണ്ടും കോവിഡ് കൂടുന്ന സാഹചര്യത്തിലാണ് ഓഡിറ്റിങ്ങോടെ ഇത് സമർപ്പിക്കുവാനുള്ള തിയതി നീട്ടിയത്. ആദായ നികുതി പോർട്ടലിൽ പല തരത്തിലുള്ള സാങ്കേതിക പ്രശ്നങ്ങളും ഉണ്ടായിരുന്നു. അതുമൂലം,ആദായ നികുതി റിട്ടേണിനുള്ള തിയതി നീട്ടിനൽകണമെന്ന് പല കോണുകളിൽ നിന്നും ആവശ്യം ഉയർന്നെങ്കിലും കേന്ദ്ര സർക്കാർ നൽകില്ല എന്ന നിലപാടെടുത്തിരുന്നു. വൻകിട നികുതി ദായകർക്കും, കോർപറേറ്റുകൾക്കുമാണ് ഇപ്പോഴത്തെ തീരുമാനം ഗുണകരമാകുക. സെക്ഷൻ 194 പി അനുസരിച്ച്, 75 വയസ്സിനു മുകളിലുള്ള മുതിർന്ന പൗരന്മാർക്ക് പെൻഷനിൽ നിന്നും, പലിശയിൽ നിന്നും മാത്രമേ വരുമാനമുളളൂ എങ്കിൽ ആദായ നികുതി റിട്ടേൺസ് സമർപ്പിക്കുന്നതിൽനിന്നും ഒഴിവാക്കിയിട്ടുണ്ട്. ഈ ഒഴിവ് ലഭിക്കുവാൻ പെൻഷൻ ലഭിക്കുന്ന ബാങ്ക് അക്കൗണ്ടിൽ തന്നെയായിരിക്കണം പലിശ വരുമാനവും എത്തേണ്ടത് എന്നൊരു വ്യവസ്ഥയും ഉണ്ട്.
English Summary : Income Tax Return Filing Date Extended to March 15th