സ്വർണ വിലയിൽ മാറ്റമില്ല
Mail This Article
സംസ്ഥാനത്ത് തിങ്കളാഴ്ച സ്വർണ വിലയിൽ മാറ്റമില്ല. മൂന്നുദിവസമായി ഗ്രാമിന് 4,550 രൂപയിലും പവന് 36,400 രൂപയിലുമാണ് വ്യാപാരം പുരോഗമിക്കുന്നത്. ശനിയാഴ്ച ഗ്രാമിന് 15 രൂപയും പവന് 120 രൂപയും ഇടിഞ്ഞിരുന്നു.ഈ മാസത്തെ ഏറ്റവും ഉയർന്ന നിരക്ക് ജനുവരി 21ന് രേഖപ്പെടുത്തിയ ഗ്രാമിന് 4,565 രൂപയും പവന് 36,520 രൂപയുമാണ്. സ്വർണത്തിന് ഏറ്റവും കുറഞ്ഞ വില ജനുവരി 10 ന് രേഖപ്പെടുത്തിയ ഗ്രാമിന് 4,450 രൂപയും പവന് 35,600 രൂപയുമാണ്. രാജ്യാന്തരവിപണിയിൽ സ്പോട്ട് ഗോൾഡ് ഔൺസിന് 1,833.36 ഡോളറും യുഎസ് സ്വർണ്ണ ഫ്യൂച്ചറുകൾ 0.2 ശതമാനം ഉയർന്ന് 1,834.70 ഡോളർ എന്ന നിരക്കിലുമാണ്. അമേരിക്കൻ ബോണ്ട് വരുമാന വീഴ്ച നൽകിയ മുന്നേറ്റം രാജ്യാന്തര സ്വർണ വില 1850 വരെയെത്തിച്ചു. ബോണ്ട് യീൽഡിന്റെ ചലനങ്ങൾ തന്നെയാവും അടുത്ത ആഴ്ചയിലും സ്വർണ വില നിശ്ചയിക്കുക.
English Summary : Gold Price Today in Kerala