കുത്തനെ ഉയർന്ന് സ്വർണം കുതിക്കുന്നു
Mail This Article
സംസ്ഥാനത്ത് ചൊവ്വാഴ്ച സ്വർണ വില വർദ്ധിച്ചു. ഈ മാസം രേഖപ്പെടുത്തുന്ന ഏറ്റവും ഉയർന്ന വിലയിലാണ് ഇന്ന് വ്യാപാരം പുരോഗമിക്കുന്നത്. മൂന്നു ദിവസം ഒരേ വില തുടർന്ന ശേഷമാണ് വില വർദ്ധന. ഗ്രാമിന് 25 രൂപയും പവന് 200 രൂപയും വർദ്ധിച്ചു ഗ്രാമിന് 4,575 രൂപയും പവന് 36,600 രൂപയിലുമാണ് വ്യാപാരം പുരോഗമിക്കുന്നത്. മൂന്നുദിവസമായി ഗ്രാമിന് 4,550 രൂപയിലും പവന് 36,400 രൂപയിലുമാണ് വ്യാപാരം നടന്നത്. സ്വർണ്ണത്തിന് ഏറ്റവും കുറഞ്ഞ വില ജനുവരി 10 ന് രേഖപ്പെടുത്തിയ ഗ്രാമിന് 4,450 രൂപയും പവന് 35,600 രൂപയുമാണ്. 15 ദിവസത്തിനുള്ളിൽ പവന് 1000 രൂപ ഉയർന്നു. രാജ്യാന്തര വിപണിയിൽ ഉക്രൈനിലെ യുദ്ധ സമാന സാഹചര്യങ്ങളും, അമേരിക്കൻ ബോണ്ട് യീൽഡ് 1.80%ൽ താഴെ നിൽക്കുന്നതും രാജ്യാന്തര സ്വർണ വിലക്ക് അനുകൂലമാണ്. രാജ്യാന്തര വിപണിയിൽ ഔൺസിന് 1850 ഡോളർ കടന്നാൽ സ്വർണവില 1880 ഡോളറാണ് ലക്ഷ്യം. ക്രിപ്റ്റോ വിപണിയിലെ വീഴ്ചയും സ്വർണത്തിന് അനുകൂലമാണ്.
English Summary : Gold Price Today n Kerala