സംസ്ഥാനത്ത് മഴക്കെടുതികൾ രൂക്ഷമാകുന്നതിനിടയിലും സ്വർണ വില വർധിച്ചു. രാജ്യാന്തര വിപണിയുടെ ചുവടുപിടിച്ചാണ് സ്വർണ വില ഉയർന്നത്. ഗ്രാമിന് 25 രൂപയും പവന് 200 രൂപയുമാണ് ചൊവ്വാഴ്ച വർധിച്ചത്. ഇതോടെ ഗ്രാമിന് 4,735  രൂപയും പവന് 37,880 രൂപയുമാണ് ഇന്നത്തെ നിരക്ക്. ഗ്രാമിന് 10 രൂപയും പവന് 80 രൂപയും ഇടിഞ്ഞ് ഗ്രാമിന്  4,710 രൂപയിലും പവന് 37,680 രൂപയിലുമാണ് ഇന്നലെ വ്യാപാരം നടന്നത്. ജൂലൈ മാസത്തിന്റെ അവസാനം മാറ്റമില്ലാതെ തുടർന്ന സ്വർണ വിലയാണ് പുതിയ  മാസത്തിന്റെ തുടക്കത്തിൽ ഇടിഞ്ഞത്. അതേ സമയം രാജ്യാന്തര വിപണിയിൽ ബോണ്ട് യീൽഡിലെ വീഴ്ച സ്വർണത്തിന് വീണ്ടും അനുകൂലമായിട്ടുണ്ട്. 1800 ഡോളറിലെ പ്രതിരോധം സ്വർണം മറികടന്നേക്കാമെന്നാണ് വിദഗ്ധരുടെ അഭിപ്രായം

English Summary : Gold Price Today in Kerala