ഇനി ആദായ നികുതി റിട്ടേൺ ഫയൽ ചെയ്യുന്നവർക്ക് ഇ വെരിഫിക്കേഷൻ/ഹാർഡ് കോപ്പി സമർപ്പിക്കാനുള്ള സമയപരിധി 30 ദിവസമായി പരിമിതപ്പെടുത്തി. നേരത്തെ ഇത് 120 ദിവസം വരെയായിരുന്നു. ആഗസ്റ്റ് 1 മുതലാണ് പുതിയ പരിഷ്കാരം നിലവിൽ വന്നിട്ടുള്ളത്.

സമയപരിധിക്കുള്ളിൽ അതായത് ജൂലൈ 31നുള്ളിൽ റിട്ടേൺ ഫയൽ ചെയ്തവർക്ക് ഇ വെരിഫൈ ചെയ്യാൻ  ITR V ഫോം ബാംഗ്ലൂർക്ക് അയച്ചു കൊടുക്കാൻ 120 ദിവസത്തെ സമയം ലഭിക്കും. ആഗസ്റ്റ് 1 മുതൽ റിട്ടേൺ ഫയൽ ചെയ്യുന്നവർക്കാണ്  പുതിയ നിയമം ബാധകം. ആധാർ OTP വഴിയോ EVC ജനറേറ്റ് ചെയ്തോ ഇവെരിഫിക്കേഷൻ പൂർത്തിയാക്കാം .ഇതിനു കഴിയാത്തവർക്ക് ITR V ഡൗൺലോഡുചെയ്ത് ബാംഗ്ലൂർക്ക് അയച്ചുകൊടുക്കാം. ഇനി മുതൽ സാധാരണ തപാലിൽ ലഭിക്കുന്ന ITR V സ്വീകരിക്കില്ല. സ്പീഡ് പോസ്റ്റ് ആയി ലഭിക്കുന്നവ മാത്രമേ സ്വീകരിക്കൂ.

നിശ്ചിത സമയ പരിധിക്കുള്ളിൽ ഇ വെരിഫൈ ചെയ്യുന്ന റിട്ടേണുകൾ സമർപ്പിച്ച തീയതിയിൽ തന്നെ  ഫയൽ ചെയ്തതായി കണക്കാക്കും. എന്നാൽ നിശ്ചിത ദിവസത്തിനു ശേഷം ഇ വെരിഫിക്കേഷൻ നടത്തിയാൽ  ആ ദിവസം റിട്ടേൺ ഫയൽ ചെയ്തതതായി മാത്രമേ കണക്കാക്കൂ. അതിനാൽ താമസിച്ച് ഇ വെരിഫൈ ചെയ്യുന്നവർക്ക് ലേറ്റ് ഫീയും പലിശയും നൽകേണ്ടി വരും. ആദായ നികുതി റിട്ടേൺ ഫയൽ ചെയ്ത് ഇ വെരിഫിക്കേഷൻ നടത്താത്തവർ എത്രയും വേഗം അത് പൂർത്തിയാക്കാൻ ശ്രദ്ധിക്കുക.

English Summary : Know These Things about E Verification of Incpme Tax