സംസ്ഥാനത്ത് സ്വർണ വിലയിൽ മാറ്റമില്ല
Mail This Article
രാജ്യാന്തര വിപണിയിൽ സ്വർണ വില താഴേക്കാണെങ്കിലും സംസ്ഥാനത്ത് ഇന്ന് സ്വർണ വിലയിൽ മാറ്റമില്ല. ഈ മാസത്തെ ഏറ്റവും കുറഞ്ഞ വിലയായ ഗ്രാമിന് 4,580 രൂപയിലും പവന് 36,640 രൂപയിലുമാണ് ബുധനാഴ്ച വ്യാപാരം പുരോഗമിക്കുന്നത്.
ഗ്രാമിന് 40 രൂപയും പവന് 320 രൂപയും കുറഞ്ഞു ഇന്നലെയാണ് സ്വർണം ഈ നിരക്കിൽ എത്തിയത്. സെപ്റ്റംബർ 16, 21 തീയതികളിലും ഇതേ വിലയിലാണ് വ്യാപാരം നടന്നത്. ഈ മാസത്തെ ഏറ്റവും കൂടിയ വില സെപ്റ്റംബർ 6ന് രേഖപ്പെടുത്തിയ ഗ്രാമിന് 4,690 രൂപയും പവന് 37,520 രൂപയുമാണ്.
രാജ്യാന്തര വിപണിയിൽ സ്പോട്ട് ഗോൾഡ് 0.3% കുറഞ്ഞ് ഔൺസിന് 1,624.81 ഡോളറിലെത്തി. യുഎസ് സ്വർണ്ണ ഫ്യൂച്ചറുകൾ 0.2% ഇടിഞ്ഞ് 1,632.4 ഡോളർ നിരക്കിൽ ആയി. അമേരിക്കൻ 10 വർഷ ബോണ്ട് യീൽഡ് 4%ലേക്ക് കയറുന്നത് സ്വർണത്തിന് വീണ്ടും വീഴ്ച നൽകി. 1620 ഡോളറിലെ പിന്തുണ നഷ്ടമായാൽ 1600 ഡോളറിലാണ് സ്വർണത്തിന്റെ പിന്തുണ.
English Summary : Gold Price Today in India