അമേരിക്കയിൽ ബോണ്ട് ഇടിഞ്ഞപ്പോൾ കേരളത്തിൽ സ്വർണവില കുത്തനെ കൂടി!

രണ്ട് ദിവസത്തെ ഇടവേളക്ക് ശേഷം കുത്തനെ വർധിച്ചു സംസ്ഥാനത്തെ സ്വർണ വില. ഗ്രാമിന് 60 രൂപയും പവന് 480 രൂപയും വർധിച്ചു ഗ്രാമിന് 4,640 രൂപയിലും പവന് 37,120 രൂപയിലുമാണ് വ്യാഴാഴ്ച വ്യാപാരം പുരോഗമിക്കുന്നത്. ഈ മാസത്തെ ഏറ്റവും കുറഞ്ഞ വിലയായ ഗ്രാമിന് 4,580 രൂപയിലും പവന് 36,640 രൂപയിലുമാണ് ബുധനാഴ്ച വ്യാപാരം നടന്നത്.

ഈ മാസത്തെ ഏറ്റവും കൂടിയ വില സെപ്റ്റംബർ 6 ന് രേഖപ്പെടുത്തിയ ഗ്രാമിന് 4,690 രൂപയും പവന് 37,520 രൂപയുമാണ്. രാജ്യാന്തര വിപണിയിൽ അമേരിക്കൻ ബോണ്ട് യീൽഡ് മുന്നേറ്റം നിയന്ത്രിതമായത് ഇന്നലെ സ്വർണത്തിനും മുന്നേറ്റം നൽകി. 4% കടന്ന് 2008ന് ശേഷമുള്ള ഏറ്റവും ഉയർന്ന നിരക്കിലെത്തിയ അമേരിക്കൻ 10വർഷ ബോണ്ട് യീൽഡ് വീണത് സ്വർണത്തിനും ഓഹരിവിപണിക്കും നേട്ടമായി. രാജ്യാന്തര സ്വർണ വില 1660 ഡോളറിലേക്കെത്തിയിരുന്നു.

English Summary : Gold Price Today in Kerala