സംസ്ഥാനത്ത് സ്വർണവിലയിൽ മാറ്റമില്ല. ഈ മാസത്തെ ഏറ്റവും ഉയർന്ന വിലയിലാണ് വെള്ളിയാഴ്ച വ്യാപാരം പുരോഗമിക്കുന്നത്. ഗ്രാമിന് 4,875 രൂപയും പവന് 39,000 രൂപയുമാണ് ഇന്നത്തെ നിരക്ക്. ഗ്രാമിന് 75 രൂപയും പവന് 600 രൂപയും ഉയർന്ന് വ്യാഴാഴ്ചയാണ് ഈ നിരക്കിൽ സ്വർണവില എത്തിയത്. ഗ്രാമിന് 20 രൂപയും പവന് 160 രൂപയും ഉയർന്ന് ഗ്രാമിന് 4,800 രൂപയിലും പവന്  8,400 രൂപയിലുമാണ് ബുധനാഴ്ച വ്യാപാരം നടന്നത്. ചൊവാഴ്ച 600 രൂപ ഇടിഞ്ഞെങ്കിലും അതിനു ശേഷം ഗ്രാമിന് 95 രൂപയുടെയും പവന് 760 രൂപയുടെയും വർധന ഉണ്ടായി.

എന്നാൽ രാജ്യാന്തര വിപണിയിൽ അമേരിക്കൻ ബോണ്ട് യീൽഡ് വീണ്ടും തിരികെ കയറിയത് ഇന്നലെ സ്വർണത്തിന് വീണ്ടും തിരുത്തൽ നൽകി. 1750 ഡോളറിൽ പിന്തുണയുറപ്പിച്ച സ്വർണം ബോണ്ട് യീൽഡ് ക്രമപ്പെട്ടാൽ മുന്നേറ്റം പ്രതീക്ഷിക്കുന്നു.

English Summary : Gold Price Today in Kerala