മൂന്നുദിവസം മാറ്റമില്ലാതെ തുടർന്ന ശേഷം സംസ്ഥാനത്ത് സ്വർണവില വീണ്ടും കുറഞ്ഞു. ഗ്രാമിന് പത്തു രൂപയും പവന് 80 രൂപയും ആണ് ചൊവ്വാഴ്ച കുറഞ്ഞത്. ഇതോടെ ഗ്രാമിന് 5,505 രൂപയിലും പവന് 44,040 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 5,515 രൂപയിലും പവന് 44,120 രൂപയിലുമാണ് ശനിയാഴ്ച മുതൽ വ്യാപാരം നടന്നത്.

ഈ മാസം 1ന് രേഖപ്പെടുത്തിയ ഗ്രാമിന് 5,540 രൂപയും പവന് 44,320 രൂപയുമാണ് ഈ മാസത്തെ ഏറ്റവും ഉയർന്ന നിരക്ക്. ഓഗസ്റ്റ് 3,4 തീയതികളിൽ രേഖപ്പെടുത്തിയ ഗ്രാമിന് 5,495 രൂപയും  പവന് 43,960 രൂപയുമാണ് ഈ മാസത്തെ ഏറ്റവും കുറഞ്ഞ നിരക്ക്. രാജ്യാന്തര വിപണിയിൽ അമേരിക്കൻ ബോണ്ട് യീൽഡ് വീണ്ടും തിരികെ കയറുന്നത് സ്വർണത്തിന് ക്ഷീണമാണ്. രാജ്യാന്തര സ്വർണ അവധി വില 1970 ഡോളറിൽ താഴെയാണ് തുടരുന്നത്. അമേരിക്കൻ പണപ്പെരുപ്പക്കണക്കുകൾ സ്വര്‍ണവിലയിലും വലിയ ചാഞ്ചാട്ടങ്ങൾക്ക് കാരണമായേക്കാം.

English Summary : Gold Price Today