സംസ്ഥാനത്ത് തിങ്കളാഴ്ച സ്വർണവിലയിൽ മാറ്റമില്ല. മൂന്ന് ദിവസമായി ഒരേ വില തുടരുന്നു. ഗ്രാമിന് 5,465 രൂപയിലും പവന്  43,720 രൂപയിലുമാണ് ഇന്ന് വ്യാപാരം നടക്കുന്നത്. ഗ്രാമിന് 10 രൂപയും പവന് 80 രൂപയും വർധിച്ചു ശനിയാഴ്ചയാണ് സ്വർണം ഈ നിരക്കിലെത്തിയത്. തുടര്‍ച്ചയായ നാല് ദിവസത്തെ ഇടിവിന് ശേഷമാണ് സ്വര്‍ണ വില ശനിയാഴ്ച നേരിയ വര്‍ധന രേഖപ്പെടുത്തിയത്. ജൂലായ് 12നും ഇതേ നിലവാരത്തിലാണ് വ്യാപാരം നടന്നത്. നേരിയ വർധന ഉണ്ടായെങ്കിലും ഒരു മാസത്തിനിടയിലെ താഴ്ന്ന നിരക്കാണിത്.

ഈ മാസം 1ന് രേഖപ്പെടുത്തിയ ഗ്രാമിന് 5,540 രൂപയും പവന് 44,320 രൂപയുമാണ് ഈ മാസത്തെ ഏറ്റവും ഉയർന്ന നിരക്ക്. ഓഗസ്റ്റ് 11 ന്  രേഖപ്പെടുത്തിയ ഗ്രാമിന് 5,455 രൂപയും  പവന് 43,640 രൂപയുമാണ്  ഈ മാസത്തെ ഏറ്റവും കുറഞ്ഞ നിരക്ക്.

English Summary : Gold Price Today in Kerala