കഴിഞ്ഞ ഒരു മാസത്തെ ഏറ്റവും കുറഞ്ഞ നിരക്കിൽ വീണ്ടും സംസ്ഥാനത്തെ സ്വർണവില. ബുധനാഴ്ച ഗ്രാമിന് 10 രൂപയും പവന് 80 രൂപയും കുറഞ്ഞ് ഗ്രാമിന് 5,445 രൂപയിലും പവന്  43,560 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 5,455 രൂപയിലും പവന് 43,640 രൂപയിലുമാണ് ചൊവ്വാഴ്ച വ്യാപാരം നടന്നത്.

യു.എസ് ബോണ്ട് യീൽഡുകളും ഡോളറും ഉയർന്ന നിലയിൽ തുടരുന്നതിനാൽ രാജ്യാന്തര വിപണിയിലും സ്വർണ വില കുറയുകയാണ്. രാജ്യാന്തര വിപണിയുടെ ചുവടുപിടിച്ച് സംസ്ഥാന വിപണിയിലും സ്വർണവില കുറയുന്നത്  ഓണം, വിവാഹ സീസൺ സമയമായതിനാൽ സാധാരണക്കാർക്ക് ആശ്വാസകരമാണ്‌ ഈ മാസം 1ന് രേഖപ്പെടുത്തിയ ഗ്രാമിന് 5,540 രൂപയും പവന് 44,320 രൂപയുമാണ് ഈ മാസത്തെ ഏറ്റവും ഉയർന്ന നിരക്ക്.

English Summary : Gold Price Today in Kerala