വീണ്ടും മാറ്റമില്ലാതെ സ്വര്‍ണവില

സംസ്ഥാനത്ത് വീണ്ടും സ്വർണവിലയിൽ മാറ്റമില്ല, മൂന്നുദിവസമായി ഈ മാസത്തെ ഏറ്റവും കുറഞ്ഞ നിരക്കിൽ തുടരുന്നു. ഗ്രാമിന് 5,410 രൂപയിലും പവന് 43,280 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 35 രൂപയും പവന് 280 രൂപയും വ്യാഴാഴ്ച കുറഞ്ഞാണ് സ്വർണം ഈ നിരക്കിൽ എത്തിയത്. ഓഗസ്റ്റ് മാസത്തില്‍ മാത്രം ഇതുവരെ പവന് 1,040 രൂപ കുറഞ്ഞു.

ഓണം പ്രമാണിച്ച് ഇപ്പോൾ സ്വർണം വാങ്ങാനും ബുക്ക്‌ ചെയ്ത് വയ്ക്കാനും നല്ല സമയമാണ്. കൂടാതെ കേരളത്തിലെ എല്ലാ ജുവല്ലറികളിലും ഓണം സ്വർണോത്സവം ആരംഭിച്ചിരിക്കുകയാണ്. പത്തുകോടി രൂപയുടെ സമ്മാനങ്ങൾ ആണ് സ്വർണ്ണം വാങ്ങുന്ന ഉപഭോക്താക്കൾക്ക് ഒരുക്കിയിട്ടുള്ളത് എന്ന് ഓൾ കേരള ഗോൾഡ്  ആൻഡ് സിൽവർ മെർച്ചൻസ് അസോസിയേഷൻ അറിയിച്ചു. 

English Summary : Gold Price Today in Kerala