ചാ​ഞ്ചാട്ടം തുടരുന്നു, 43,000 രൂപയിലേക്ക് മടങ്ങിയെത്തി സ്വർണവില

സംസ്ഥാനത്ത് സ്വർണ വില വീണ്ടും 43,000 രൂപയിലേക്ക് മടങ്ങിയെത്തി. ഗ്രാമിന് 15 രൂപയും പവന് 120 രൂപയും കുറഞ്ഞു യഥാക്രമം 5,485 രൂപയിലും  43,880 രൂപയിലുമാണ് ശനിയാഴ്ച വ്യാപാരം പുരോഗമിക്കുന്നത്.  മൂന്നു ദിവസം ഇടിഞ്ഞു നിന്ന സ്വർണവില വെള്ളിയാഴ്ച ഗ്രാമിന് 10 രൂപയും പവന് 80 രൂപയും വർധിച്ചിരുന്നു. ഗ്രാമിന് 5,500 രൂപയിലും പവന് 44,000 രൂപയിലുമാണ് ഇന്നലെ വ്യാപാരം നടന്നത്.

രാജ്യാന്തര വിപണിയിലെ ചലനങ്ങളാണ് സംസ്ഥാന വിപണിയിലും പ്രതിഫലിക്കുന്നത്. വിവാഹ സീസൺ ആയതിനാൽ വില കുറഞ്ഞിരിക്കുന്നത് സാധാരണക്കാരെ സംബന്ധിച്ച് ആശ്വാസമാണ്. വില കുറഞ്ഞിരിക്കുന്ന ഈ സമയത്ത് സ്വർണം അഡ്വാൻസ് ബുക്കിങ് സ്കീമിലൂടെ സ്വന്തമാക്കാം.  

English Summary: Today's Gold Price in Kerala