സംസ്ഥാനത്ത് സ്വർണവിലയിൽ മാറ്റമില്ല. രണ്ടുദിവസമായി ഈ മാസത്തെ ഏറ്റവും കുറഞ്ഞ വിലയിൽ തുടരുന്നു. ഗ്രാമിന് 5,450 രൂപയിലും പവന് 43,600 രൂപയിലുമാണ് വ്യാഴാഴ്ച വ്യാപാരം നടക്കുന്നത്. സംസ്ഥാനത്ത് നാല് ദിവസം ഒരേ വില തുടർന്ന ശേഷം ഗ്രാമിന് 35 രൂപയും പവന് 280 രൂപയും കുറഞ്ഞd ഇന്നലെയാണ് സ്വർണം ഈ നിരക്കിലെത്തിയത്.

സെപ്റ്റംബർ നാലിന് രേഖപ്പെടുത്തിയ പവന് 44,240 രൂപയാണ് മാസത്തിലെ ഏറ്റവും ഉയർന്ന വില. സെപ്റ്റംബർ 7 ന് 43,000 രൂപയിലേക്ക് ഇടിഞ്ഞ സ്വർണം തൊട്ടടുത്ത ദിവസം 44,000 ത്തിലേക്ക് തിരിച്ചെത്തിയെങ്കിലും പിന്നീട് വീണ്ടും 43,000 രൂപയിലേക്ക് ഇടിഞ്ഞു. തുടർച്ചയായ അഞ്ചാം ദിവസമാണ് സ്വർണ വില 43,000 രൂപ നിലവാരത്തിൽ വ്യാപാരം നടക്കുന്നത്.

രാജ്യാന്തര വിപണിയിൽ അമേരിക്കൻ പണപ്പെരുപ്പക്കണക്കുകൾ വരാനിരിക്കെ അമേരിക്കയുടെ 10വർഷ ബോണ്ട് യീൽഡ് 4.30% കടന്നത് സ്വർണത്തിന് സമ്മർദ്ദ കാരണമായി. ഇന്ന് പുറത്ത് വരുന്ന അമേരിക്കൻ പണപ്പെരുപ്പവളർച്ചയുടെ തോത് 1933 ഡോളറിൽ തുടരുന്ന രാജ്യാന്തര സ്വർണ വിലയെയും സ്വാധീനിക്കും.

English Summary :Gold Price Today in Kerala