സംസ്ഥാനത്ത് സ്വർണവിലയിൽ വെള്ളിയാഴ്ച മാറ്റമില്ല.ഗ്രാമിന് 5680 രൂപയിലും പവന് 45,440 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 15 രൂപയും പവന് 120 രൂപയും ഉയർന്ന്  വ്യാഴാഴ്ചയാണ് സ്വർണം ഈ നിരക്കിലെത്തിയത്. ഇതുവരെ പവന് 2760 രൂപ വർധിച്ചു.

ഒക്ടോബർ 5 ന്  രേഖപ്പെടുത്തിയ പവന് 41,920  രൂപയാണ് ഈ മാസത്തെ ഏറ്റവും കുറഞ്ഞ നിരക്ക്. രാജ്യാന്തര വിപണിയിൽ ഇസ്രയേൽ-ഹമാസ് സംഘർഷം തുടരുന്ന സാഹചര്യത്തിൽ ഇനിയും വിലവർധന പ്രതീക്ഷിക്കാമെന്നാണ് വിദഗ്ധർ അഭിപ്രായപ്പെടുന്നത്. രാജ്യാന്തര തലത്തിൽ പണപ്പെരുപ്പ നിരക്കുകൾ ഉയർന്നു നിൽക്കുന്നതും സുരക്ഷിത നിക്ഷേപമെന്ന നിലയിൽ സ്വർണത്തിൽ നിക്ഷേപം വർധിക്കുന്നതും വരും ദിവസങ്ങളിൽ വിലയെ സ്വാധിനിക്കും.