സംസ്ഥാനത്ത് ചാഞ്ചാട്ടം തുടർന്ന് സ്വർണവില. ഗ്രാമിന് 10 രൂപയും പവന് 80 രൂപയും കുറഞ്ഞു ഗ്രാമിന്  5,650 രൂപയിലും പവന്  45,200 രൂപയിലുമാണ് ശനിയാഴ്ച വ്യാപാരം പുരോഗമിക്കുന്നത്. രണ്ട് ദിവസം ഉയർന്ന് നിന്ന സ്വർണവിലയാണ് ഇന്ന് ഇടിഞ്ഞത്. ഗ്രാമിന് 10 രൂപയും പവന് 80 രൂപയും വർധിച്ചു ഗ്രാമിന്  5,660 രൂപയിലും പവന് 45,280 രൂപയിലുമാണ് വെള്ളിയാഴ്ച വ്യാപാരം നടന്നത്. ഗ്രാമിന് 10 രൂപയും പവന് 80 രൂപയും വർധിച്ചു ഗ്രാമിന് 5,650 രൂപയിലും പവന് 45,200 രൂപയിലുമാണ് വ്യാഴാഴ്ച വ്യാപാരം നടന്നത്.

ഒക്ടോബർ 28 നാണ് സ്വർണവില സംസ്ഥാനത്തിന്റെ ചരിത്രത്തിലെ ഏറ്റവും ഉയർന്ന നിലയിലെത്തിയത്. ഒരു പവന് 45,920 രൂപയും, ഒരു ഗ്രാമിന് 5,740 രൂപയുമായിരുന്നു രേഖപ്പെടുത്തിയത്. അതിനു ശേഷം രാജ്യാന്തര വിപണിയുടെ ചുവട് പിടിച്ചു കേരളത്തിലും  സ്വർണവില ഇടിയുകയായിരുന്നു.യുദ്ധസാഹചര്യത്തിൽ നിക്ഷേപകർ സുരക്ഷിത സങ്കേതം തേടുന്നതാണ് സ്വർണത്തിന്റെ വില ഉയർത്തിയത്. അതേ സമയം യുദ്ധസമ്മർദ്ദം കുറ‍ഞ്ഞേക്കുമെന്ന പ്രതീക്ഷകളാണ്  വിലയിലെ ഇപ്പോഴത്തെ ചാഞ്ചാട്ടത്തിന് കാരണം.