ബജാജ് അലയന്‍സ് ലൈഫിന്റെ ലോങ് ലൈഫ് ഗോള്‍ എത്തി
Mail This Article
റിട്ടയര്‍മെന്റ് കാലത്ത് നികുതി രഹിത വരുമാനം, 99 വയസു വരെ ഇന്‍ഷൂറന്‍സ് പരിരക്ഷ എന്നി ആകർഷണങ്ങളുമായി ബജാജ് അലയന്‍സ് ലൈഫ് ഇന്‍ഷൂറന്‍സ് ലോങ് ലൈഫ് ഗോള്‍ പദ്ധതി അവതരിപ്പിച്ചു. ഭാഗികമായ പിന്‍വലിക്കല്‍ സൗകര്യവും ഈ പുതു തലമുറ യൂലിപ് പദ്ധതിക്കുണ്ട്. വിപണി അധിഷ്ഠിത പദ്ധതികളിലാകും നിക്ഷേപം. പദ്ധതി പത്തു വര്‍ഷം പൂര്‍ത്തിയാക്കുമ്പോള്‍ മുതലോ 55 വയസു മുതലോ ഏതാണ് പിന്നീടു വരുന്നത്, അതു മുതല്‍ തുടര്‍ച്ചയായ വരുമാനം ലഭിക്കുന്ന രീതി തെരഞ്ഞെടുക്കാം. അഞ്ചു വര്‍ഷത്തിനു ശേഷം ഭാഗികമായ പിന്‍വലിക്കലുകളും നടത്താം. മരണമോ പൂര്‍ണമായ വൈകല്യമോ മൂലം പ്രീമിയം അടക്കാനാവാതെ വന്നാല്‍ ഭാര്യ/ ഭര്‍ത്താവ് അല്ലെങ്കില്‍ കുട്ടികള്‍ക്ക് ഇതിന്റെ പരിരക്ഷയും ആനുകൂല്യങ്ങളും തുടര്‍ന്നു ലഭിക്കും. പത്തു മുതല്‍ 25 വര്‍ഷം വരെയുള്ള കാലയളവിലേക്ക് പ്രീമിയം അടയ്ക്കുകയും പരിരക്ഷ 99 വയസു വരെ തുടരുകയും ചെയ്യും.
